د کرنې وزیر د بلخ له والي سره په لیدنه کې: د بلخ په ولایت کې د کرنیزو محصولاتو مدیریت ۶۰۳ پروژې پلي شوي دي

mail-admin
پنجشنبه ۱۳۹۹/۱۰/۴ - ۱۳:۴۵
د کرنې وزیر د بلخ له والي سره په لیدنه کې: د بلخ په ولایت کې د کرنیزو محصولاتو مدیریت ۶۰۳ پروژې پلي شوي دي

۴ مرغومې ۱۳۹۹
د کرنې، اوبولګولو او مالدارۍ وزیر ډاکټر انوارالحق احدي، بلخ ولایت ته دخپل سفر په ترڅ کې، ددې ولایت له والي محمدفرهاد عظیمي سره وکتل او په دې ولایت کې د کرنې، بڼوالۍ او مالدارۍ د پراختیا په هکله خبرې وکړې.
په دې لیدنه کې د بلخ والي د کرنیزو پروژو د پلې کېدو په هکله خبرې وکړې او د هغې پاملرنې له امله چې د بلخ ولایت کرنې اومالدارۍ ته شوي دي، د کرنې له وزیر څخه مننه وکړه. ښاغلی عظیمي وویل، د بلخ ولایت دکرنې په برخه کې یولړ کړنې ترسره شوي دي خو اړتیا ده، چې په دې ولایت کې کب روزنې، مالدارۍ، د آمو سیند پر غاړه د اوبولګولو د پروژو پر پلي کېدو او د بڼوالۍ پر پراختیا لاډېرې پاملرنې ووشي ترڅو په دې برخه کې پانګونې ډېرې شي.
د کرنې، اوبولګولو او مالدارۍ وزیر ډاکټر انوارالحق احدي په دې غونډه کې وویل، چې د روان مالي کال په ترڅ کې د نورو پلي شویو کرنیزو پروژو ترڅنګ د بلخ په ولایت کې، د کرنیزو محصولاتو مدیریت د پروژې په اډانه کې د ۳۱۰ میلیونه افغانیو په لګښت په ټولیزه توګه ۶۰۳ پروژې پلي شوي دي.
ښاغلی احدي وویل، چې راتلونکی کال د کرنیزو محصولاتو مدیریت د پروژې د غځېدو ترڅنګ، د بلخ په ولایت کې به یوشمېر نورې پروژې هم پلي او بېلابېلو برخو ته به پاملرنه ووشي.

تازه ترین اخبار

شنبه ۱۴۰۴/۵/۱۱ - ۱۵:۱۹
Background image

د خوست جوار سل څېړنیز فارم کې پر بېلابېلو بوټو څېړنې روانې دي

۱۱ زمری ۱۴۰۴ هـ.ش
۸ صَفَر المُظَفَّر ۱۴۴۷ هـ.ق
د خوست دکرنې، اوبولګولو او مالدارۍ ریاست چارواکي وايي، چې ددې ولایت دکرنې ریاست اړوندو فارمونو کې پر بېلابېلو بوټو څېړنې روانې دي، ترڅو. . .

شنبه ۱۴۰۴/۵/۱۱ - ۱۵:۱۷
Background image

د کندهار څلورو ولسوالیو کې لسګونو بڼوالو ته د روزنې ترڅنګ ورته اړین توکي ووېشل شول

۱۱ زمری ۱۴۰۴ هـ.ش
۸ صَفَر المُظَفَّر ۱۴۴۷ هـ.ق
د کندهار دکرنې، اوبو لګولو او مالدارۍ ریاست په هڅه، د ملګرو ملتونو د نشه یې توکو او جرمنو پر وړاندې د مبارزې ادارې (یو.ان.او.ډي.سي) په. . .

شنبه ۱۴۰۴/۵/۱۱ - ۱۲:۴۵
Background image

د کندهار سپین بولدک کې د سلګونه پسونو د قاچاق مخه ونیول شوه

۱۱ زمری ۱۴۰۴ هـ.ش
۸ صَفَر المُظَفَّر ۱۴۴۷ هـ.ق
د کندهار د کرنې، اوبو لګولو او مالدارۍ ریاست په مشرۍ، د سپین بولدک ولسوالۍ د کرنې، مالدارۍ او امنیتي ادارو په ګډو هڅو، د څارویو د قاچاق د. . .

بازگشت