د کرنې وزارت پلاوي د سرپل د کرنې ریاست د عوایدو وضعیت وڅېړه

mail-admin
سه‌شنبه ۱۴۰۵/۷/۱۴ - ۹:۴
بررسی وضعیت عواید ریاست زراعت سرپل از سوی هیئت وزارت

۱۳ تله ۱۴۰۵ هـ.ش
۲۲ رَبِیعُ الْثاني ۱۴۴۸ هـ.ق
د کرنې، اوبولګولو او مالدارۍ وزارت مالي او حسابي رییس مولوي ضیاءالدین واقف په مشرۍ موظف پلاوي د عوایدو د وضعیت د هر اړخیزې ارزونې، د عایداتي سرچینو د پېژندنې، د عوایدو د پاتې شونو د ارزونې او د عوایدو د راټولولو د څرنګوالي د څېړنې په موخه سرپل ولایت ته سفر وکړ.
د وزارت مالي او حسابي رییس د دغه سفر په ترڅ کې د سرپل ولایت د کرنې، اوبولګولو او مالدارۍ له رییس او د دې ادارې د عایداتي برخو له کارکوونکو سره کاري ناسته ترسره کړه. په دې ناسته کې د سفر موخه او د موظف پلاوي کاري پروګرامونه تشریح شول او د عوایدو د وضعیت، عایداتي سرچینو، پاتې شونو او د عوایدو د راټولولو د څرنګوالي په اړه بحث او هر اړخیزه ارزونه وشوه.
همدارنګه، د سرپل د کرنې رییس د عوایدو د وضعیت، عایداتي سرچینو، پاتې شونو او د عوایدو د راټولولو په بهیر کې د شته ستونزو په اړه اړین معلومات وړاندې کړل او د ستونزو د حل لپاره یې مشخص وړاندیزونه مطرح کړل.
په پای کې، اړوندو برخو ته لارښوونه وشوه چې د اړینو معلوماتو، اسنادو او راپورونو د وړاندې کولو په برخه کې له موظف پلاوي سره هر اړخیزه همکاري وکړي.
د دغه سفر موخه د عوایدو او عایداتي سرچینو د وضعیت دقیقه ارزونه، د شته ستونزو څېړنه او د سرپل ولایت د کرنې، اوبولګولو او مالدارۍ ریاست د عوایدو د ښه والي، زیاتوالي او پیاوړتیا په موخه د اړینو اقداماتو ترسره کول بلل شوي دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت