د کرنې، اوبو لګولو او مالدارۍ وزیر د ازبیکستان د کرنې وزارت په رسمي بلنه تاشکند ته ورسېد

mail-admin
چهارشنبه ۱۴۰۵/۷/۱۵ - ۹:۵۳
وزیر زراعت، آبیاری و مالداری به دعوت رسمی وزارت زراعت اوزبیکستان وارد تاشکند شد

۱۵ تله ۱۴۰۵ هـ.ش
۲۴ رَبِیعُ الْثاني ۱۴۴۸ هـ.ق
د افغانستان اسلامي امارت د کرنې، اوبو لګولو او مالدارۍ وزیر مولوي عطاءالله عمري، د ازبیکستان د کرنې وزارت په رسمي بلنه، د دې هېواد پلازمېنې تاشکند ښار ته ورسېد او د ازبیکستان د چارواکو له لوري یې تو هرکلی وشو.
د دغه سفر اساسي موخه د وچې په منځ کې د راګېر هېوادونو، د خوړو خوندیتوب او دوامدارې پراختیا د موخو په اړه په نړۍوال تخنیکي فورم کې ګډون دی، چې د ۲۰۲۶ کال د اکتوبر په ۷مه او ۸مه نېټه په تاشکند ښار کې جوړېږي.
دغه فورم د وچې په منځ کې د راګېر هېوادونو د کارپوهانو او استازو ترمنځ د خوړو خوندیتوب او دوامدارې پراختیا له موخو سره د اړوندو موضوعاتو په اړه د بحث، نظرونو او تجربو د تبادلې لپاره د یوه تخنیکي پلاتفورم په توګه جوړېږي. د فورم ناستې به پر تخنیکي بحثونو، د پوهې او تجربو پر شریکولو او د عملي همکاریو د زمینو پر پېژندلو تمرکز ولري.
د دغه سفر په ترڅ کې به د افغانستان او ازبیکستان ترمنځ د کرنې، اوبو لګولو، مالدارۍ، سوداګرۍ او پانګونې په برخو کې د دوه‌اړخیزو او سیمه‌ییزو همکاریو د پراختیا او پراخېدو زمینه هم وڅېړل شي.
همدارنګه، د افغانستان پلاوی به د دغه فورم په څنډه کې د ګډون کوونکو هېوادونو له چارواکو او استازو سره لیدنې ولري او د افغانستان د کرنیزو او اقتصادي ظرفیتونو، د کرنیزو محصولاتو د صادراتو او سوداګرۍ د پراختیا، د پانګونې د جلب او د مسلکي پوهې او تجربو د لېږد په اړه به خبرې وکړي.
د کرنې، اوبو لګولو او مالدارۍ وزیر به د دغه سفر د پروګرامونو په دوام کې د ازبیکستان د اسلامي فرهنګ له مرکز څخه هم لیدنه وکړي او د دغه مرکز له بېلابېلو برخو سره به له نږدې آشنا شي. په دغه لیدنه کې به د افغانستان او ازبیکستان ترمنځ پر ګډو فرهنګي، تاریخي او تمدني ارزښتونو ټینګار وشي.
په دغه سفر کې د کرنې، اوبو لګولو او مالدارۍ وزارت د پانګونې او خصوصي سکټور سلاکار حشمت‌الله شهراني هم د کرنې له وزیر سره ملتیا کوي.
دغه سفر د دوه‌اړخیزو او سیمه‌ییزو همکاریو د پیاوړتیا، د اقتصادي او سوداګریزو اړیکو د پراختیا او د کرنې، خوړو خوندیتوب او پانګونې په برخو کې د ګډو ظرفیتونو د اغېزمنې ګټې اخیستنې په موخه ترسره کېږي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت