د چوپړتیاوو پروخت وړاندې کولو او د پروژو پر پلي کېدو د کرنې وزیر ټینګار

۲ چنګاښ ۱۴۰۰
دکرنې، اوبولګولو او مالدارۍ وزارت د رهبرۍ غونډه، ددې وزارت د مرستیالانو او یوشمېر رییسانو په ګډون په لاره واچول شوه او پر بېلابېلوموضوعاتو خبرې اترې او پرېکړې وشوې.
په دې غونډه کې د کرنیزو پروژو د پلي کوونکو پر ستونزو خبرې وشوې او پریکړه وشوه، چې اړوندو چارواکو د قانون پر اساس دې یادو ستونزو هوارولو په پار لاس په کارشي. دغه راز په دې غونډه کې له یو ولایت څخه نورو ولایتونو ته د زعفرانو پر لېږد هم خبرې وشوې.
دکرنې، اوبولګولو او مالدارۍ وزیر ډاکټر انوارالحق احدي سپارښتنه وکړه، چې ښکېلو اړخونو سره په ګډه د زعفرانو سکټور په برخه کې شته فرصتونه او ننګونې په اساسي ډول ورازول شي او ددې سکټور د پیاوړتیا په پار لاډېر فرصتونه رامنځته شي.
د یادو موضوعاتو سربېره، په دې غونډه کې د کارکوونکو د تبدیلی پر غوښتنو، ژر تر ژره د یوشمېر ستونزو هوارولو او د کارکوونکو د سوپر اسکیل پر سهمیې هم خبرې وشوې او پرېکړه وشوه، چې د سوپر اسکیل د موثریت او معقولیت د زیاتوالی په پار دې د کرنې په وزارت کې یو نوی کړن لاره جوړه شي. دغه راز په دې غونډه کې د بزګرانو ستونزې هم مطرح شول، د کرنې وزیر سپارښتنه وکړه، چې امکاناتو ته په کتو دې ژر تر ژره دا ستونزې هوارې شي.
په دې غونډه کې پر یوشمېر نورو موضوعاتو هم خبرې وشوې. د کرنې وزیر ټینګار وکړ، چې د هېواد په کچه د پروژو پر پلي کېدو او د چوپړتیاوو پر وخت وړاندې کولو په پار دې پاملرنه ډېر شي