د پکتیا دکرنې رییس او د ملګرو ملتونو د خوړو او کرنې ادارې چارواکو پر دوه اړخیزو همکاریو ټینګار وکړ

۲۳  لېندۍ ۱۴۰۱ه‍.ش
۲۰ جمادي اﻷول ۱۴۴۴ ه‍.ق
د ملګرو ملتونو د خوړو او کرنې ادارې «FAO» د پکتیا دکرنې رییس او نورو چارواکو سره د کتنې په ترڅ کې په دوه اړخېزه همکاريو د بحث ترڅنګ د ښې همغږۍ په رامنځته کولو ټينګار وشو.
په دې غونډه کې،  د پکتیا د کرنې، اوبولګولو او مالدارۍ ریاست رییس مولوي عبدالروف سعيد، د طبیعي سرچینو آمر زاهب الله ارسلا، د FAO (GEF) پروژې د نظارت غړی ډاکټر ګلبدین ګلاب، په پکتیا کې د ځمکې او ځنګلو تلپاتې مدیریت پروژې مسئول محمد ابراهیم قادري، د سیدکرم او احمدآبا د ترویج مدیرانو او د طبیعي سرچینو کارمندانو  ګډون کړی و.
په ياده ناسته کې په دوه اړخېزه همکاريو د بحث ترڅنګ د ښې همغږۍ په رامنځته کولو ټينګار وشو، همداراز د FAO مؤسسې مسؤلینو له ښاغلی سعید سره د خپلې پروژې د ترسره شویو کړنو او راتلونکو پروژو په اړه معلومات شریک کړل.
د پکتیا د کرنې رییس مولوي سعيد په خپلو خبرو کې د يادې مؤسسې له کړنو څخه مننه وکړه او له مسولينو سره د همکارۍ د ژمنې ترڅنګ د يادې مؤسسې له مسئولينو وغوښتل چې یاده پروژه په نورو ولسوالیو کی هم وغځوی او خپلې چارې د کرنې رياست سره په همغږۍ سرته ورسوي.
 نوموړي همداراز وويل چې د يادو پروژو په پلي کيدو سره به ډېر ځنګل میشتو کورنیو ته سهولتونه هم رامنځته کړي.