د پکتیا دکرنې ریاست: د ځمکو د غصب د مخنيوي تخنیکي پلاوی د هوايي ډګر او تاسیساتو څخه لیدنه وکړه
د پکتیا دکرنې، اوبولګولو او مالدارۍ ریاست چارواکي وایي، چې د ځمکو د غصب د مخنيوي تخنیکي پلاوی غړو د پکتیا ولایت مرکز اړوند هوايي ډګر او تاسیساتو سیمو څخه لیدنه وکړه.
په ياده لیدنه کی د هوايي ډګر او تاسیساتو اړونده سیمو تصرف کوونکو قومي مشرانو سره غونډه ترسره شوه، په دې غونډه کې د ځمکو د غصب د مخنيوي تخنیکي پلاوی رییس لخوا د سلطاني ځمکو د غصب د مخنيوي په اړه د اميرالمؤمنين فرمان او د ياد فرمان د تطبيق لپاره جوړ شوی طرزالعمل تشریح شو.
د غصب د مخنيوي تخنیکي پلاوی غړو د هوايي ډګر او تاسیساتو سیمو تصروف کوونکو قومي مشرانو څخه وغوښتل، چې په ياده سیمه کې د غصب شويو ځمکو د حدودو د تثبيت، د غصب کوونکو د معلومولو او د غصب شويو ځمکو د مخنيوي په برخه کې له ټاکل شوې ټیم سره همکاري وکړي.
د هوايي ډګر او تاسیساتو سیمې تصرف کوونکو وویل، چې موږ په یاده سیمه کې د ضرورت په اساس استوګنه کوو او د دې سیمې په اړه کوم شرعي یا عروفي اسناد په لاس نلرو.
