د نیمروز ولایت د کرنې ریاست کې سکټوري غونډه ترسره شوه
۶ لیندۍ ۱۴۰۴ هـ.ش
۶ جُمَادَى الثاني ۱۴۴۷ هـ.ق
د نیمروز ولایت د کرنې او کلیو پراختیا او بیارغونې سکټوري غونډه په داسې حال کې چې د کرنې، اوبولګولو او مالدارۍ رییس، د اقتصاد، کلیو پراختیا او بیارغونې او همدارنګه د ملګرو ملتونو د خوړو او کرنې ادارې «اف.اې.او»، د افغانستان لپاره د ډانمارک د کډوالو ټولنې، او همکارو مٶسساتو ولایتي مسٶولينو هم حضور درلود؛ د همدې ولایت د کرنې، اوبو لګولو او مالدارۍ د رییس مولوي شیراحمد رفیع په کاري دفتر کې ترسره شوه.
ددې غونډې په ترڅ کې د نیمروز دکرنې رییس مولوي شیراحمد رفیع د يادې غونډي موخه د ملکي ادارو او همکارو مؤسساتو ترمنځ همږغۍ او شته نيمګړتياوو ته پاملرنه او د پوره کولو په اړه يې اړينې پرېکړې نيول ياد کړل او د نیمروز ولایت په کچه د کرنیزو چارو د پراختیا په برخه کې د همکارو مؤسساتو د همکارۍ غوښتنه وکړه.
ښاغلی رفیع د همدې رياست کړنې او لاسته راوړنې وړاندې کړې او په ۱۴۰۴ کال کې د منظور شویو پراختیایي پروژو په اړه د معلوماتو وړاندې کولو سربېره د مؤسسو استازو ته لارښوونې وکړې، چې خپل کارونه د هوکړه ليک مطابق ترسره کړي.
ورپسې د کلیو پراختیا او بیارغونې رياست استازي او ياده سکټوري غونډه کې د يادو سويو همکارو مؤسسو استازو هم خپل په پرمختیایي، روغتیایې او ټولنیزو چارو کې د ترسره شویو او روانو کارونو په تړاو خپل کاري او راتلونکي پلانونه او راپورنه هم وړاندې کړل.
په دې غونډه کې د ادارو استازو او د مؤسساتو د مسؤولينو له لورې پر بېلابېلو موضوعاتو بحث او د نظرنو تبادله وشوه او په تړاو يې اړينې پريکړي ونيول شوې او غونډه د دُعا په ویلو سره پايته ورسېده.
