د محصولاتو بازار موندنې په پار هڅې، غزني کې د کرنیزو محصولاتو نندارتون پرانیستل شو

mail-admin
چهارشنبه ۱۴۰۲/۹/۲۹ - ۹:۳۷
د محصولاتو بازار موندنې په پار هڅې، غزني کې د کرنیزو محصولاتو نندارتون پرانیستل شو

د غزني د  کرنې، اوبولګولو او مالدارۍ ریاست له خوا ددې ولایت د بزګرانو او مالدارانو محصولاتو ته د بازار موندنې په پار دکرنیزو او مالدارۍ محصولاتو نندارتون په لاره اچول شوی دی.
یاد نندارتون د غزني مرستیال والي مولوی رحیم الله محمود، دکرنې رییس مولوی محمد ادریس حنیف، د غزني ښاروال مولوی محمد نبي حمزه، د اطلاعاتو او فرهنګ رییس مولوی حمیدالله نثار، سوداګرو او صنعتکارانو په حضور کې پرانیستل شو. 
ددې نندارتون  په پرانیست غونډه کې د غزني مرستیال والي مولوی رحیم الله محمود د محصولاتو له یاد نندارتون څخه خوښي څرګند او د غزني د کرنې او مالدارۍ رياست له هڅو یې مننه وکړه  او زیاته یې کړه:«ملي سوداګر باید دغزني محصولاتو ته مناسبه بازار موندنه وکړي او د بزګرانو محصولات تر نړيوالو ښارونو ورسوي.»
دغه راز د غزني دکرنې، اوبولګولو او مالدارۍ رییس مولوی محمد ادریس حنیف په خپلو خبرو کې وویل، چې غزني یوکرنیز ولایت دی، چې کابو ۹۰ سلنه وکړي یې په کرنه او مالدارۍ بوخت دي هغه زیاته کړه؛ «دغه نندارتون د غزني ولایت په اقتصادي برخه کې یو مثبت رول لوبولی شي او له دې نندارتون څخه زموږ موخه د بزګرانو او ملي سوداګرو ترمنځ مستقیمې اړیکې ایجادول دي، ترڅو د غزني د بزګرانو او مالدارانو محصولات په غوره بیه بازار ته وړاندې او د پېر-پلور لپاره یې یو مناسب بازار رامنځ ته شي.»
په دې نندارتون کې د غزني ولایت د بزګرانو او مالدارانو بېلابېل کرنیز او مالدارۍ توکي نندارې ته وړاندې شوي دي.

تازه ترین اخبار

یکشنبه ۱۴۰۴/۹/۹ - ۱۵:۲۶
Background image

د خالد بن ولید قول اردو رییس ارکان او د لغمان د کرنې رییس د ګمبیري دښتې د ځمکې د منازعې د حل په موخه ناسته ترسره کړه

۹ لیندۍ ۱۴۰۴ هـ.ش
۹ جُمَادَى الثاني ۱۴۴۷ هـ.ق
دلغمان د کرنې، اوبولګولو او مالدارۍ رییس مولوي عبدالستار محمد د خپل کار په دفتر کې د خالد بن ولید قول اردو د رییس ارکان الحافظ انځرګل سره د. . .

یکشنبه ۱۴۰۴/۹/۹ - ۱۵:۲۴
Background image

د کندهار نوروزي څېړنیز فارم کې د لمرګل حاصلاتو راټولول پیل شو

۹ لیندۍ ۱۴۰۴ هـ.ش
۹ جُمَادَى الثاني ۱۴۴۷ هـ.ق
د کندهار کرنې، اوبو لګولو او مالدارۍ ریاست تر رهبرۍ لاندې، د نوروزي څیړنیز فارم مسؤلینو له لوري د لمرګلي نبات د سږني حاصلاتو راټولولو لړۍ. . .

یکشنبه ۱۴۰۴/۹/۹ - ۱۵:۲۴
Background image

د کندهار ارغنداب کې لسګونه جریبه ځمکه خصوصي سکټور ته په اجاره ورکړل شوه

۹ لیندۍ ۱۴۰۴ هـ.ش
۹ جُمَادَى الثاني ۱۴۴۷ هـ.ق
د کندهار د کرنې، اوبو لګولو او مالدارۍ ریاست تر رهبرۍ لاندې، د اجارې او پانګونې مدیریت له لوري، د ارغنداب ولسوالی د سرکاري بڼ ته څېرمه ۱۰.۵. . .

بازگشت