د لوګر دکرنې ریاست: خروار ولسوالی کې د عامه بڼ جوړولو چارې روانې دي

۱۷ وری ۱۴۰۲ه‍.ش
۱۵ رَمَضانُ المُبارَک ۱۴۴۴ ه‍.ق
د لوګر دکرنې، اوبولګولو او مالدارۍ ریاست وایي، چې د خوړو نړیوال پروګرام (WFP) په مالي او د بشري قواوو د پراختیا ادارې د شتمنیو جوړونې (Asset creation) پروژې تر چتر لاندې د دې ولایت د خروار ولسوالی کې د عامه بڼ جوړولو د پروژې چارې په چټکۍ روانې دي.
د لوګر دکرنې ریاست چارواکو له دې عامن بڼ څخه د لیدنې په لړ کې د ټیم غړو ددغه غیر مثمر عامه بڼ کې د نیالګیو د تنظیم او خړوبولو په اړه له تخینکي ټیم څخه اړین مالومات ترلاسه کړل او دغیر مثمرو نیالګیو انتخاب یې دنوموړې سیمې لپاره مناسب اود زرغون چاپېریال د رامنځته کېدو کې مهم ګام او ښه فرصت وباله.
د چارواکو په خبره په یاده سیمه کې څلور زره غیر مېوه لرونکي نیالګي چې پکې ناجو، مرفان، روسی بید اواکاسي شامل دی، چې دچاپېریال د ښکلا، دسېلابونو دکنټرول او د ځمکې دتخریب دمخنیوي په موخه کرل کېږی.
د خروار ولسوالی د کرنیزو چوپړونو مدیریت مسؤولینو د بشري قواوو د پراختیایي ادارې (بقاء)له هڅو او زحمتونو څخه مننه او خوښي څرګنده کړه چې دلوګر د کرنې، اوبولګولو او مالدارۍ ریاست په همغږۍ سره یې ددغه غیر میوه لرونکی عامه بڼ چارې تردې مهال په ښه اوبریالۍ توګه سرته رسولي دي.