د لغمان قرغه یې کې پر ۷۰۰ بزګرانو د کیمیاوي سرو د وېش لړۍ پیل شوی

۱۰ وری ۱۴۰۲ه‍.ش
۸ رَمَضانُ المُبارَک ۱۴۴۴ ه‍.ق
د لغمان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې (FAO) په همکارۍ ددې ولایت د قرغه یې ولسوالی پر ۷۰۰ بزګرانو د کیمیاوي سرو د وېش لړۍ پیل کړی دی.
ددغو مرستو په وېش غونډه کې د لغمان دکرنې، اوبولګولو او مالدارۍ رییس الحاج محمد ولي محسن وویل، چې د ملګرو ملتونو د خوړو او کرنې ادارې (FAO) په همکارۍ د قرغه یې ولسوالی پر ۷۰۰ بزګرانو د دوی د حاصلاتو زیاتوالی په پار یوریا او ډي.اي.پي سرو د وېش لړۍ پیل شوی دی.
ښاغلي محسن د د ملګرو ملتونو د خوړو او کرنې ادارې (FAO) څخه د مننې ترڅنګ له دوی څخه وغوښتل، چې ددې ولایت په نورو ولسوالیو کې هم له بزګرانو سره ورته مرستې او همکارۍ ووشي.
د لغمان دکرنې رییس غربت او فقر یې په هېواد کې جدي ستونزه یاده کړه، ژمنه یې وکړه چې د مؤثرو او اغیزناکو پروژو د تطبیق له لارې به يې په وړاندی مبارزه کوي او بزګران یې هم همت، غیرت او سخت کار کولو ته وهڅول، ترڅو وکولای شوو اقتصادي ستونزې په ګډه حل کړو.  
ورپسی د قرغه یې ولسوال قاري نورالهادي  صارم هم په خپله وینا کې فقر، غربت او اقتصادي ستونزې او مشکلات جدي ستونزه یاده کړه، او یاې ادارې د فعالیتونو څخه یې مننه او قدرداني وکړه، ولسونه یې د بشپړ امنیت د تامین او ارامه زنده ګي کولو لپاره د اسلامي امارت حمایت او ملاتړ ته را وبلل. بزګران یې اتلان یاد کړل چې د ځان او خپلی کورنۍ ترڅنګ نورو ته هم د غذایې مواد په تهیه کولو کې مصروف دي او بزګري یې یوه مقدسه دنده وبلله. 
په دې غونډه کې دغه راز د لغمان دکرنې ادارې دکرنیزو چارو آمر بریالی همدرد وویل، چې دغه سرې د بزګرانو د ۴۴ ګروپونو څخه پر ۷۰۰هغو چې واردمخه سروې شوي دي.
ددغو مرستو موخه د بزګرانو ملاتړ او په دې ولایت کې د کرنیزو محصولاتو د کچې زیاتوالی دی.