د لغمان دکرنې ریاست: د مخابراتي شبکو له چارواکو سره ناسته وشوه

د لغمان کرنې، اوبولګولو او مالدارۍ رییس الحاج مولوی محمدولي محسن تر مشرۍرلاندې د لغمان د مخابراتو ریاست کې د لغمان مخابراتي شبکو، اترا ادارې  او لغمان مستوفیت له چارواکو سره غونډه دائره شوه.
د چارواکو په خبره؛ لغمان ولایت کې د یو شمېر مخابراتي شبکو انتنونه په امارتي ځمکو کې ایجاد شوي دي، ځینې ځایونو کې امارتي ځمکې د اشخاصو لخوا غصب او عواید یې د اشخاصو جیبونو ته ځي، په ورته وخت کې یو یوشمېر مخابراتي شبکو خپله میاشتنۍ اجاره هم پر وخت نه وه تحویل کړی، چی په همدې موخه یاده ناسته رابلل شوې وه.
د لغمان کرنې، اوبولګولو او مالدارۍ رییس الحاج مولوی محمدولي محسن وویل: «د مخابراتي شبکو د انتنونو قراردادونه له خپل همکارو ادارو سره په پوره جدیت او دقت سره څېړو، د عوایدو په برخه کې هیڅ نوعه بې غوري د بخښنې وړ نده.»
په همدې حال کې د لغمان مستوفیت او مخابراتو ریاستونو او اترا ادارې چارواکو په خپله برخه کې د ګډ کار او همکاري ډاډ ورکړه.