د غزني دکرنې ریاست ددې ولایت د کرنې پوهنځی چارواکو سره وکتل
۲۸ سلواغه ۱۴۰۴ه.ش
۲۹ شَعبان المُعَظّم ۱۴۴۷ه.ق
د غزني دکرنې، اوبولګولو او مالدارۍ ریاست چارواکو د غزني پوهنتون د کرنې پوهنځی له استادانو او چارواکو سره په کتنه کې پر هر اړخیزو همکاریو خبرې اترې وکړې.
په غونډه کې د همکارۍ د هوکړه لیک د تطبیق، په څېړنیزو کرنیزو فعالیتونو کې د ګډ کار او د پسرلني نیالګي کېنولو د کمپاین د پیل په اړه د پوهنتون له سیمې څخه مفصل بحث او نظر تبادله وشوه.
په پای کې دواړو لورو د علمي او عملي ګډو همکاریو پر پیاوړتیا، د کرنې سکتور د ښهوالي لپاره د پوهنتون له څېړنیزو ظرفیتونو څخه پر ګټې اخیستنې او د چاپېریال د زرغونتیا او د نیالګي کېنولو د فرهنګ د ودې په موخه د پسرلني کمپاین پر منظم تطبیق ټینګار وکړ. همدارنګه پرېکړه وشوه، چې د یادو پروګرامونو د اغېزمن عملي کېدو لپاره لازمې همغږۍ ژر تر ژره ترسره شي.
