د زابل ولایت د غصب د مخنیوي او غصب شوو ځمکو د استرداد تخنیکي ټیم شلمه غونډه
۱۸ سلواغه ۱۴۰۱ه.ش
۱۶ رَجَب المُرَجَّب ۱۴۴۴ ه.ق
د زابل ولایت د غصب د مخنیوي او غصب شوو ځمکو د استرداد تخنیکي ټیم د چارو د لاښه والي د لازمو پرېکړو نیولو اړوند شلمه غونډه تر سره کړه.
ياده غونډه چې د زابل ولایت د کرنې په ریاست کې جوړه شوې وه په کې د زابل دکرنې ريیس مولوي عطاء الله راشد، د عدلیې رييس الحاج مولوي عبدالوارث خلیل، د ښارجوړونې ريیس ملا دادګل مسلم، د کار او ټولنیزو چارو ريیس مولوي عبدالوکیل خادم، د ارشاد حج او اوقافو ريیس مولوي محمد اسلام واسع، د څارنوالۍ رئیس مولوي عبدالقادر طه، د ولایت مستوفي مولوي نور الحسن محسن او د امارت د قضایاوو آمر مولوي محمدي محمدي د غړیو په توګه ګډون کړی وو.
په یاده غونډه کې د ټرانسپورټ آمریت د ځمکو لپاره پلاوی وټاکل شوه او ترڅنګ یې د خاک افغان ولسوالی د یو بازار موضوع لپاره پلاوی د تګ په اړه پرېکړه وشوه او ترڅنګ یې د قلات ښاروالی د هغو ځمکو په هکله چې یوشمېر کسانو پرې دوعوه لري هم خبرې اترې وشوې.
دغه راز د غونډې په جریان کې د تخنیکي ټیم غړو په نوبتي ډول خپل نظریات شریک کړل او د تخنیکي ټیم د چارو د منظم پرمخ وړلو لپاره ځينې اړين مسایلو اړوند بحث وشو.
