د خوست باک ولسوالی کې د قصابیو، چرګوړو او غواګانو فارمونو څخه څارنه وشوه
۲۵ وری ۱۴۰۴ ه.ش
۱۶ شَوّالُ المُکَرَّم ۱۴۴۶ه.ق
د خوست ولایت د کرنې، اوبو لګولو او مالدارۍ ریاست د حیواني روغتیا مدیریت لهخوا د باک ولسوالۍ اړوند د قصابیو، چرګوړو او غواګانو فارمونو څخه د حفظالصحي وضعیت د ارزونې په موخه څارنه ترسره شوه.
یاده څارنه د باک بازار، سرې تیګې او ترهکۍ اړوند د چرګوړو پر فارمونو ترسره شوه، چې د یادو فارمونو چرګوړي روغ و، خو فارم لرونکو د چرګوړو د خوراکي توکو د لوړ قیمت له امله اندېښنه څرګنده کړه. څارونکو د حفظالصحي اړوند لازمې سپارښتنې هم وکړې.
همدارنګه د قصابیو څخه هم لیدنه وشوه، چې پکې د نرخنامو کنټرول او د غوښې د ساتنې لپاره د جالونو درلودو په اړه سپارښتنې وشوې. د غواګانو فارمونه هم وڅارل شول او د غوجلو د پاکوالي اړوند لازمې مشورې ورکړل شوې.
د خوست ولایت کرنې ریاست د حیواني روغتیا د ښهوالي او د حیواناتو د محصولاتو د کیفیت د لوړوالي په موخه وخت پر وخت د فارمونو، قصابیو او نورو اړوندو برخو څخه څارنه کوي، څو د خلکو روغتیا او د مالدارۍ سکتور ته زیان ونه رسېږي.
