د بڼوالۍ ځنځیري ارزښت د پراختیا پروژه ۳۳۲ جریبه متراکم بڼونه جوړوي

۱۴مرغومې ۱۳۹۹
د کرنې وزارت په پام کې لري، چې ددې وزارت د بڼوالۍ ځنځیري ارزښت د پراختیا پروژې له لارې په ۱۴۰۰مالي کال کې د هېواد په اتو ولایتونو کې ۳۳۲متراکم بڼونه جوړ کړي.
په دغو جوړېدونکو بڼونو کې به د مڼو، شفتالو، ناکو، الو، انارو او لیمو بڼونو جوړول شامل وي، چې د جوړلو لګښت به یې ۵۹میلیونه او ۲۲۶زره او ۵۵۹ افغانۍ وي.
یاد بڼونه د کابل، بامیان، غزني، میدان وردګ، پکتیکا، لوګر، پکتیا او خوست په ولایتونو کې جوړیږي.
د بڼوالۍ ځنځیري ارزښت د پراختیا پروژه «HVCDS»، د کرنې، اوبولګولو او مالدارۍ وزارت یو له هغو پروژو څخه دی، چې د اسیایي پراختیایي بانک «ADB» له خوا تمویلیږي.