د بلخ دکرنې ریاست؛ د حرکت بنسټ مسؤلینو په شولګرې ولسوالۍ کې د سویابینو پروژې له لومړۍ سروې څخه لیدنه وکړه
۲۵ وری ۱۴۰۴ ه.ش
۱۶ شَوّالُ المُکَرَّم ۱۴۴۶ه.ق
د حرکت بنسټ مرکزي مسؤلینو د بلخ ولایت شولګرې ولسوالۍ ته سفر وکړ او هلته یې د یادې ولسوالۍ له مشرانو سره یو ځای د سویابینو د ګټه اخیستونکو له لومړۍ سروې څخه لیدنه او کتنه وکړه.
د لیدنې پر مهال مسؤلینو د دې پروژې د عملي کېدو ژمنه وکړه او د سیمې خلکو ته یې ډاډ ورکړ، چې د پروژې په ټولو پړاوونو کې به ورسره هر اړخیزې مرستې کوي.
سویابین د مهمو کرنیزو حاصلونو له ډلې څخه شمېرل کېږي، چې هم د خوراکي اړتیاوو پوره کولو او هم د بزګرانو اقتصادي وضعیت ښه کولو کې مهم رول لري. د حرکت بنسټ هڅه کوي، چې د کرنیزو پروژو له لارې د خلکو اقتصادي پیاوړتیا ته زمینه برابره کړي او د بلخ ولایت د شولګرې ولسوالۍ یاد پروګرام د همدې لړۍ یوه برخه ده.
