د اطلاع رسونې د سروزرو کلي د کرنې وزارت ته ورسېد
د روڼتیا څار اداره په یوڅېړنیز راپور کې، اطلاعاتو ته د لاس رسي د قانون له پلي کېدو څخه ، دولتي ادارې درجه بندي کړئ، چې پر بنسټ یې د کرنې وزارت لومړی ځای خپل کړی دی.
پرله پسې جایزې تر لاسه کول، له شک پرته د مشرتابه د ملاتړ او زما د همکارانو همغږی، مسلکي توب او د نه ستړې کېدونکو هلو ځلو پایله ده.
تېرکال هم د کرنې وزارت اطلاعاتو ته د لاس رسي د کمیسیون له خوا د حکومت په کچه د لوړې نمرې په تر لاسه کولو سره، د یومخکښ او الګو ادارې په توګه وپېژندل شوه.
د وزارت مشرتابه او ټولو همکارانو ته ددې لاسته راوړنې مبارکي وایم.
معلوماتو ته لاس رسي د هېوادوالو حق دی او د کرنې وزارت مطبوعاتي دفتر ژمن دی، چې دقیق او پر وخت مالومات تر خلکو ورسوي.
په درنښت:
اکبر رستمي
د اطلاعاتو او عامه اړیکو رییس او ویاند
