دکرنې وزیر دکندهار له والي سره وکتل
۲۴ سلواغه ۱۴۰۱ه.ش
۲۲ رَجَب المُرَجَّب ۱۴۴۴ ه.ق
د کرنې، اوبولګولو او مالدارۍ وزارت سرپرست وزیر مولوي عطاءالله عمري کندهار ته د خپل سفر په ترڅ کې، د کندهار والي الحاج محمدیوسف وفا سره په داسې حال کې وکتل، چې د کندهار ولایت مقام د دفتر رییس مولوي محبالله ګرمسیري، د کندهار د کرنې، اوبولګولو او مالدارۍ رییس مولوي محمود مظلوم او حاجي قاري عبدالسلام عمري هم حضور درلود.
ددې کتنې په ترڅ کې دواړو خواوو دکندهار ولایت دکرنې او مالدارۍ سکټور پر بېلابېلو برخو هر اړخیزې خبرې وکړې.
د کرنې وزیر مولوی عطاءالله عمري په خپلو خبرو کې وویل: «افغانستان دکرنې او مالدارۍ په برخه کې یو پیاوړی هېواد دی، چې تر ۸۰ سلنه ډېر وګړي یې په کرنه او مالدارۍ بوخت دي؛ اوس چې دکال پای او د نوي کال پیل دی دکرنې وزارت دکرنې، اوبولګولو او مالدارۍ په برخه کې د ښه پرمختګ په موخه پر چمتووالی بوخت دي، دکرنې وزارت د راتلونکی کال ټول پلانونه مې له عالیقدر امیرالمؤمنین شیخ صاحب هبت الله حفظ الله په تازه لیدنه کې شریک کړل، چې دېر ژر به منظور او راتلونکی کال کې به ورباندې عملاً کار پیل شي.»
ښاغلی عمري په خپلو خبرو کې زیاته کړه، چې د کرنې د پرمختګ په موخه د اوبو سم مدیریت په کار دی هغه وویل: «الحمدالله ټول مسئولین د هېواد د اوبو د سم مُدیرت په برخه کې شپه او ورځ کار کوي». د کرنې وزیر دغه راز وویل، چې د راتلونکي کال په پلانونو کې یې نه یوازې د کندهار؛ بلک د ټول هواد هغه سیمي هم په پلانونو کي ځای پر ځای کړي، چېرې چې د اوبو بندونو او چیک ډمونو ته ډېره اړتیا ده او د عالیقدر امیرالمؤمنین شیخصاحب حفظهالله تر منظورۍ وروسته به یې وزارت رسماً د جوړېدو چاري پيل کړي.
ورپسې د کندهار والي حاجي محمد یوسف دکرنې وزیر مولوی عطاءالله عمري ته د ښه راغلاست ترڅنګ په خپلو خبرو کې د کندهار ترڅنګ په ټولو ولایتونو کې دکرنې وزارت د مشرتابه او رئیسانو کړنې او فعالیتونه وستایل او هم یې مننه وکړه، چي د کرنې، اوبولګولو او مالدارۍ په برخه کې یې هر وخت د ولایتي ادارې سره اوږه په اوږه او په پوره همږغۍ سره ټولي چارې مخته وړي.
د کندهار والي د دوی د فعالیتونو د ستاینې ترڅنګ غوښتنه وکړه، ترڅو بهرني موسسې او ادارې په ریښتنې توګه په افغانستان کې د بندونو او چیک ډمونو جوړېدو ته راجلب کړي او همدا راز یې وویل؛ دا چې د عالیقدر امیرالمؤمنین شیخصاحب حفظهالله د حکم په اساس په ټول هېواد کې د کوکنارو او بنګو کښت بند شوی؛ په همدې موخه دکرنې وزارت دې باید پر بدیل کښت کار وکړي.
دکرنې، اوبولګولو او مالدارۍ وزیر عطاءالله عمري د کندهار ولایت دکرنې او مالدارۍ سکټور د ارزونې ا په پار کندهار ته سفر کړی دی. دغه راز ټاکل شوې، چې دکرنې، اوبولګولو او مالدارۍ وزیر مولوی عطاءالله عمري ددې سفر په ترڅ کې د کندهار ولایت له سیمه ییزو چارواکو، بزګرانو او مالدارانو سره هم وګوري او د دوی ستونزې او مشکلات واوري.
