بادغیس کې د نخودو حاصلات ډېر شوي

content_admin
دوشنبه ۱۳۹۹/۱۰/۱ - ۱۵:۹
بادغیس کې د نخودو حاصلات ډېر شوي

۱ مرغومې ۱۳۹۹
د بادغیس ولایت دکرنې ریاست چارواکي وایي، چې د نخودو دکروندو د زیاتوالي له وجې دتېرکال په پرتله ددې ولایت د نخودو حاصلات د پام وړ زیاد شوي دي.
د بادغیس ولایت د کرنې، اوبولګولو او مالدارۍ رییس عبدالتواب تایب وایي: «بادغیس کې سږکال پر دوه زره او ۹۳۵ هکټاره ځمکه کې نخود کرل شوې وه، چې له دغو کروندو څخه نږدې اووه زره او ۹۶ ټنه حاصل ترلاسه شوي دي.»
ښاغلی تایب زیاتوي: «تېرکال د وچکالۍ له وجې بزګران ډېر زیانونه ولید، زموږ بزګران د نخودو د کرکېلي وس نه درلود، نو له همدې وجې په لږه سیمه کې نخود کرل شوې وه او حاصل یې هم لږ و، خو له نېکه مرغه سږکال د مناسبې آب او هوا او ترڅنګ یې ددې ولایت دکرنې رایست د فني همکاریو له وجې، ددې ولایت په ډېرو سیمو کې نخود وکرل شوه او د نخودو حاصلات هم زیات شو.»
دا په داسې حال کې ده، چې دکرنې وزارت د احصایې او معلوماتو د شمېرو له مخې تېرکال د بادغیس ولایت په یوزر او ۹۹۹ هکټاره ځمکه کې نخود کرل شوې وه، چې له دغو کروندو څخه څلور زره او ۹۹۷ ټنه نخود ترلاسه شوه. دا شمېره د ۱۳۹۸یم کال په پرتله د کرکیلې په سیمه کې ۹۳۶ هکټاره زیاتوالي او په حاصلاتو کې دوه زره او ۹۹ مټریک ټنه زیاتوالی ښيي.
د بادغیس ولایت په ټولو ولسوالیو کې نخود د للمي په ډول کرل کیږي، چې په دې ولایت کې تر ډېره له سیمه ییزو ورایټیو کار اخیستل کیږي. هرکال ددې ولایت د نخودو د پام وړحاصلات نورو ولایتونو ته صادریږي.

تازه ترین اخبار

دوشنبه ۱۴۰۴/۷/۱۴ - ۱۴:۲۹
Background image

پنجشېر کې د لوبیا حاصلات زیات شوي 

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د پنجشېر د کرنې، اوبو لګولو او مالدارۍ ریاست اعلان کړی، چې په روان کال کې د دې ولایت د لوبیا حاصلات د تېر کال په پرتله پنځه سلنه زیات شوي. . .

دوشنبه ۱۴۰۴/۷/۱۴ - ۱۱:۲۳
Background image

میدان وردګو کې د ګیلاسو حاصلات ډېر شوي 

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د میدان وردګو د کرنې، اوبو لګولو او مالدارۍ ریاست ویلي، چې په روان کال کې له دې ولایت څخه له ۲۰۴۰ متریک ټنه زیات دګیلاسو حاصلات ترلاسه شوي. . .

دوشنبه ۱۴۰۴/۷/۱۴ - ۱۱:۱۱
Background image

د وچکالۍ پر وړاندې د اسلامي امارت عملي ګامونه؛ روزګان کې د درې میلیونه افغانیو په ارزښت د چک ډېم چارې پیل شوې

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د کرنې، اوبولګولو او مالدارۍ وزارت د ځانګړې بودیجې په لګښت د روزګان ولایت د ترینکوټ اړوند د ناقیل په سیمه کې د اوبو د مهار او د وچکالۍ د. . .

بازگشت