د هلمند مارجه کې د بېوزله کورنیو د ملاتړ په پار هڅې؛ ۴۰ کورنیو ته د چرګانو واړه فارمنه جوړو شول
۱ چنګاښ ۱۴۰۲ه.ش
۴ ذیالحِجّة ۱۴۴۴ ه.ق
د هلمند ولایت دکرنې، اوبولګولو او مالدارۍ ریاست د «DACAAR» مؤسې په تخنیکي همکارۍ ددې ولایت د مارجې ولسوالی په بېلابېلو کلیو کې ۴۰ بېوزلې، کونډې او معیوبو ښځو ته د دوی دکورني اقتصاد د پیاوړتیا په پار د هګیو چرګانو واړه فارمونه جوړ کړي دي.
د هلمند ولايت د کرنې، اوبولګولو او مالدارۍ رياست د چارواکو په خبره ددې مرستې په لړ کې د هلمند ولایت د مارجې په لسوالی کې ۴۰ کورنيو ته د هګۍ ورکوونکو چرګانو ۳۰ قطعه يې فارمونه ووېشل شول.
په يادو فارمونو کې هر کس ته ۳۰ هګې ورکوونکي چرګان، پنځه بوجۍ د چرګانو معياري خوراکه، د دانې خوړولو لوښې، د اوبو خوړولو لوښې او نور توکي ورکړل شوي دي.
د هلمند دکرنې ریاست چارواکي وایي، چې ددې مرستې لړۍ به د هلمند ولایت د مرکز لښکرګاه ترڅنګ نورو ولسوالیو ته هم وغځېږي.
ددغو مرستو موخه په دې ولایت کې د چرګانو روزنې صنعت ته پیاوړتیا ورکول او د بېوزله او کونډو مېرمنو اقتصادي ودې ته زمینه برابرول دي.
