د لغمان مرکز مهترلام کې د بزګرانو شپږ ټولنې جوړې شوي دي
۸ وری ۱۴۰۲ه.ش
۶ رَمَضانُ المُبارَک ۱۴۴۴ ه.ق
د لغمان دکرنې، اوبولګولو او مالدارۍ ریاست وایي، چې ددې ولایت د مرکز مهترلام د بزګرانو د هڅونې او د دوی د کارونو د تنظیم په موخه د بزګرانو شپږ ټولنې جوړې شوي دي، چې په کې ۱۲۰۰ بزګران تنظیم شوي دي.
د لغمان دکرنې ریاست د چارواکو په خبره د دې ولایت د مرکز مهترلام د « نیلاواټ، پهلوان بابا، بصرام، کټل، کچور او هرمل» کلیو کې د بزګرانو ټولنې جوړې شوي دي، چې ۱۲۰۰ بزګران چې له دې ډلې ۳۰۰ یې ښځینه بزګران دې په کې تنظیم شوي دي.
د چارواکو په خبره ددغو بزګرانو د هڅونې او د دوی د ملاتړ په پآر د افغانستان راتلونکې نسلونو مؤسسې په همکارۍ پر ۴۸۰ بزګرانو د درمل شیندنې یو یو ۲۰ لیټره پمپ وېشل شوی دی.
د یادونې وړ ده، چې ددغو ټولنو له نورو غړو سره هم یاد مؤسسه مرستې او همکارۍ کړي دي.
د لغمان دکرنې ریاست هڅه کوي، چې د بزګرانو او مالدارانو ملاتړ د مؤثرو او اغېزناکو پروژو د تطبیق له لیارې ترسره کړي، ترڅو یې په اقتصاد او ژوند کې بدلون رامنځ ته کړي.
