هلمند کې د امارتي ځمکو د غصب مخنيوي او استرداد کمیسون اړوند تخنیکي کمېټې له غصب شویو ځمکو لیدنه وکړه 

د عالیقدر امیرالمؤمنين حفظه الله د (٦٩٦) ٧/ ٣/ ١٤٤٤ ګڼه حکم په اساس په هېواد کې د امارتي (سلطاني) عامه مرعي او وقفي غصب سوو ځمکو، د غصب مخنيوي او استرداد کمیسون ګمارل شوي دي، چې په ولایتونو کې د یاد کمیسون تر چتر لاندې یو ګډ تخنیکي پلاوی چې د کرنې، اوبولګولو او مالدارۍ رییس تر مشرۍ لاندې د عدلې ریاست، د ښارجوړولو ، کار او ټولنیزو چارو ریاست، ارشاد،رحج او اوقافو ریاست، استناف څارنوالۍ ریاست، دامنې قوماندانۍ مرستیال، لښکرګاه ښاروال، مستوفیت ریاست رئیس صاحبان، د امارت د قضایاؤ آمر او د اراضي آمریت اړوند دکدستر د سروې مسؤل یې د غړو په توګه دي تعین او په کارونو یې پیل کړی دی.
نوموړي تخنیکي ټیم د هلمند په مرکز لښکرګاه بولان سیمه کې د حاجي داؤد شاه (رحیمي) په نوم شخص چې د ١١٥ جریبه ځمکې د شخصي ملکیت ادعا لري او یاد ټیم ته یې په اړه خپله عرضپاڼه وړاندې کړې ده، نوموړې ځمکه له نږدې ولیدل.
په یاده ساحه کې د املاکي او کدستري نقشو له مخې د مسلکي انجنیرانو لخوا تخنیکي پلاوي ته لازم معلومات وړاندې شول او په سیمه کې دنورو هغو خلکو سره چې په بیلابیلو نومونو یې امارتي ځمکې په تصرف کې وې خبرې وسوې
مؤظف تخنیکي ټیم عارض ته لارښؤنه وکړه تر څو ټول هغه اسناد او سوابق چې د یادې ځمکې د ملکیت ادعا ورباندې لري نوموړي پلاوي ته وړاندې کړي.
د موضوع له هر اړخیزې څیړنې وروسته به یې تخنیکي ټیم په اړه خپل ګذارش ترتیب او د امارتي (سلطاني) عامه مرعي او وقفي غصب سوو ځمکو ، د غصب مخنيوي او استرداد کمیسون ته وړاندې کړي.