پکتیا کې پر یوشمېر کرنیزو توکو څېړنې روانې دي

mail-admin
سه‌شنبه ۱۴۰۰/۵/۵ - ۱۵:۵۷
پکتیا کې پر یوشمېر کرنیزو توکو څېړنې روانې دي

۵ زمری ۱۴۰۰
د پکتیا د کرنې، اوبولګولو او مالدارۍ ریاست اړوند د چشمه مارانو په څېړنیز فارم کې د غنمو، شړشمو، نخودو، باقلي، عدس او کمینیلا کرل شوې تجربې حاصل اخیستو ته اماده شوي، چې ډېرژر به يې د ډیټا اخیستنې وروستۍ مرحلې هم بشپړې شي.
د پکتیا د کرنې، اوبولګولو او مالدارۍ رییس انجنیر محمد دین مومند وايي، چې په یاد څېړنیز فارم کې د یادو نباتاتو په بېلابېلو ډولونو باندې د لوړ حاصل ورکوونکو، د چاپېریال سره د پراخ توافق لرونکو او د ناروغیو او افاتو په وړاندې د مقاومو ورایټیو د غوراوي ترڅنګ د تخم او کیمیاوي سرو د مناسبې اندازې معلومولو، د مناسب وخت موندلو او د تخمونو د سمونې په موخه تجربې ترسره کېږي.
د یاد فارم متخصصین وايي، چې تر تجربو لاندې د بېلابېلو کرنیزو توکو تجربوي ډيټا او بېلابېل فکتورونه يې یاداښت کړي، چې ډیټا اخیستنې د وروستۍ مرحلې له بشپړاوي وروسته به يې تحلیل او تجزیه کړي، چې په پایله کې به يې تر ټولو غوره نوعې بزګرانو ته ور وپېژني.
د پکتیا د کرنې رییس انجنیر محمد دین مومند وايي، چې د کرنې د اصلاح او معیاري کولو لپاره کرنيزې څېړنې د ملا د تیر حیثیت لري، نوموړی زیاتوي چې همدې ته یې په پام سره د چشمه مارانو د څېړنیز فارم د پراختیا او رغونې په برخه کې ځینې پروژې تر کار لاندې دي او د نورو فارمونو د بیارغونې په اړوند هڅې جریان لري.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت