ننګرهار کې د شاتو تولید د پراختیا په پار هڅې؛ د شاتو مچیو ۳۰۰ روزونکو سره مرسته وشوه

content_admin
یکشنبه ۱۴۰۰/۴/۲۰ - ۱۴:۵۴
ننګرهار کې د شاتو تولید د پراختیا په پار هڅې؛ د شاتو مچیو ۳۰۰ روزونکو سره مرسته وشوه

۲۰ چنګاښ ۱۴۰۰
ننګرهار چې، د ځانګړې هوا او غوره کرنیزو تولیداتو له کبله هميشه بهار يې هم بولي د بېلابېلو شاتو او ګلانو په لرولو سره د شاتو د توليد په برخه کې د هېواد تر ټولو مخکښ ولايت دی، خو ددې ولایت د کرنې ریاست هلې ځلې کوي، چې د یاد ولایت د شاتو تولیدات لا ډېر کړي. په همدې موخه یاد ریاست تل ددې ولایت د شاتو مچیو پالونکو سره مرستې او همکارۍ کوي، چې ددغو مرستو په دوام داځل هم ددې ولایت د ۲۲ ولسوالیو له ۳۰۰ شاتو مچیو پالونکو سره د شاتو مچیو د پالنې د اړونده توکو مرسته وشوه.
د ننګرهار د کرنې، اوبولګولو او مالدارۍ رییس انعام الله صافی وایي، چې په دغو مرسته شویو توکو کې موم، د درملو شېندلو پمپ، خوراکه، بوشکې، د شاتو ټولولو پنجې، درې سایزه بوتلونه، د لوګي پمپ، خولۍ، د ملکو د لېږدونې قفسچې، د پیوندي ملکو د تولید حجري او نور اړونده توکي شامل دي، چې په دې ولایت کې د شاتو تولید زیاتوالي او د شاتو مچیو پالونکو د ملاتړ په پار پر دوی وېشل شوي دي.
ښاغلی صافی وایي، چې په ننګرهار کې د شاتو مچیو نږدې ۶۰۰ لوی او واړه فارمونه شتون لري، چې تر ۴۵زره د شاتو کورنۍ په کې روزل کیږي، چې سږکال ترې ۵۵۰ ټنه شات ترلاسه شوي دي.
د چارواکو په خبره، د ننګرهار د شاتو مچیو په فارمونو کې له ۲۲ تر ۳۰ ډوله د شاتو مچۍ شتون لري او په دغو فارمونو کې نږدې دوه زره ښځینه او نارینوو ته د کار زمینه هم برابره شوې ده.
په دې وروستیو کلونو کې په ننګرهار کې د شاتو مچیو د ساتلو دود وده کړې او هغه شمېر کسان، چې په دې ولایت کې د مچیو فارمونه لري، وايي چې د شاتو مچیو په ساتلو سره یې تر ډېره برېده اقتصادي ستونزې هوارې شوي دي او له همدې لارې د خپل ژوند لومړنۍ اړتیاوې پوره کوي.
د کرنې وزارت له خوا د دولت، موسسو، شاتو مچیو روزونکو او د شاتو تولیدوونکو ترمنځ د اړیکو ټینګولو او بازار موندنې په پار ننګرهار ولایت کې د شاتو مچیو ټولنه هم جوړه شوې ده. دغه ټولنه د کروندګرو او شاتو مچیو روزونکو د ستونزو هوارولو ترڅنګ د شاتو مچیو صنعت ته د ودې ورکولو او د شاتو د تولید په برخه کې هم کار کوي.

تازه ترین اخبار

یکشنبه ۱۴۰۴/۶/۲ - ۹:۱۰
Background image

هلمند کې د زرګونو نیالګیو د پیوند چارې پیل شوې

۲ وږی ۱۴۰۴ هـ.ش
۳۰ صَفَر المُظَفَّر ۱۴۴۷ هـ.ق
دهلمند ولایت د کرنې، اوبولګولو او مالدارۍ ریاست اړوند د طبیعي سرچینو آمریت کارکوونکو له لوري د زرګونه مېوه لرونکو نیالګیو د پیوندولو چارې. . .

یکشنبه ۱۴۰۴/۶/۲ - ۹:۱۰
Background image

خوست کې پر یوشمېر کروندګرو د کورنیو باغچو اړوند توکي ووېشل شول

۲ وږی ۱۴۰۴ هـ.ش
۳۰ صَفَر المُظَفَّر ۱۴۴۷ هـ.ق
د خوست ولایت د تڼیو ولسوالی د کمکي ماڼې په سیمه کې د ځنګلونو بیارغونې او خوړو خوندیتوب پروژې په چوکاټ کې ۳۵ کروندګرو ته د کورنیو باغچو. . .

شنبه ۱۴۰۴/۶/۱ - ۱۱:۳۴
Background image

د کرنې وزارت د مرکزي او ولایتي رییسانو د همغږۍ سیمینار پرانیستل شو

۱ وږی ۱۴۰۴ هـ.ش
۲۹ صَفَر المُظَفَّر ۱۴۴۷ هـ.ق
د کرنې، اوبولګولو او مالدارۍ وزارت د مرکزي او ولايتي رییسانو دهمغږۍ درې ورځنی سمينار د ياد وزارت د پامير په تالار کې د کرنې وزير مولوي. . .

بازگشت