د روبو او مرباوو سترې فابريکې جوړېږي

mail-admin
چهارشنبه ۱۴۰۰/۴/۹ - ۱۷:۴۸
د روبو او مرباوو سترې فابريکې جوړېږي

۹ چنګاښ ۱۴۰۰
دکرنې، اوبولګولو او مالدارۍ وزارت د اوبولګولو او طبيعي سرچينو مرستيال حشمت‌الله غفوري په مشرۍ د اسيايي پراختيايي بانک او د بڼوالۍ ځنځيري ارزښت د ودې سکټورې پروژې ‏(HVCDSP‏) چارواکو سره د مرباوو او رومي بانجانو د روبو  فابريکو جوړولو په پار دهمغږۍ غونډه په لاره واچول شوه.
ټاکل شوې، چې د پغمان د بهار سبز د رومي بانجانو د روبو د توليد فابريکه د څلور ميليونه امريکايي ډالرو په لګښت، چې يو ميليون ډالريې دکرنې وزارت له لارې د اسيايي پراختيايي بانک له خوا ورکول کېږي او په ننګرهار کې د حضرت محمد کوچي د مرباوو د توليد فابريکه د ۲۱.۳ميليونه ډالرو په ارزښت د ياد بانک په ۵۰سلنې ملاتړ جوړ شي.
دکرنې وزارت د بڼوالۍ ځنځيري ارزښت د ودې سکټوري پروژې د چارواکو د مالوماتو له مخې د پغمان د بهارسبز د روبو فابريکه به په هره ګړۍ کې څلور مټريک ټنه باکيفيته روب توليد کړي، چې رومي بانجان به يې د لوګر او ننګرهار له ولايتونو تامينېږي. دغه راز د حضرت محمد کوچي د مرباوو فابريکه به له ګازرې، انځر، الوبالو او مالټې څخه به په ساعت کې ۰.۵مټريک ټنه مربا توليد کړي.
دکرنې وزارت د اوبولګولو او طبيعي سرچينو مرستيال حشمت‌الله غفوري، په دې غونډه کې وويل، بايد وارزول شي چې افغانستان ته څومره مربا او د رومي بانجانو روب واردېږي تر څو پر اساس يې په دې برخه کې توليد مديريت شي، توليدات زيات شي او اړوندو اداراتو سره په همغږي پر يادو توکو لوړې تعرفې وضع شي.
ښاغلی غفوري دغه راز وويل، دکرنې متخصصين دې بايد د باکيفيته محصولاتو د توليد په پار ددغو فابريکو چارواکو ته تخنيکي سلا مشورې ورکړي تر څو دوی وکولای شي، چې ورته بهرنيو محصولاتو سره سيالي وکړي.
هغه دغه راز د يادو محصولاتو پر غوره ذايقې او بسته بندۍ هم ټينکار وکړ.
 بايد وويل شي، چې افغانستان د خپل اړتياوړ ډېر روب او مربا له بهرنيو هېوادونو له ډلې ايران او ترکيې څخه واردوي.

 

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت