ارزګان کې د سبو د کرکېلي پراختیا او د ناروغیو د کنټرول په پار هڅې پیل شوي دي

۱چنگاښ ۱۴۰۰
د ارزګان ولایت د کرنې، اوبو لګولو او مالدارۍ ریاست چارواکي وایي، چې دسبو« ترکاریو» د پراختیا په پار یې له کروندګرو سره له نږدې عملي او نظري هر اړخیزې لارښوونې، او د کښت مناسبې لارې چارې ورښودل پیل کړي دي.
د ارزګان ولایت د کرنې ریاست چارواکي وایي، چې د سبو د پراختیا او د ناروغیو د کنټرول په پار یې د مرکز ترینکوټ په سرچخلي سیمه کې د سبو له کروندو څخه له نږدې لیدنه وکړه او تر څنګ یې کروندګرو ته د کرنیز تناوب، کتاري کرنې، د ناروغیو او افتونو د له منځه وړلو میخانیکي لارو چارو، ترکیبي درملو جوړول، حاصلاتو راټولول او نورو اړوند برخو کې عملي او نظري لارښوونې ورکړل شوې.
دغه راز په ورته وخت کې د یادو سیمو کروندګرو د کرنې ریاست د تخنیکي او مسلکي ټیم څخه د خوښۍ په ښودلو سره وویل، چې د نباتي ناروغیو او افاتونو د لا ښه کنټرول په موخه ورته د ولایت په کچه د نباتي ناروغیو د تشخیص لابراتور جوړ او اړین پرګرامونه په لاره واچوي تر څو د حاصلاتو کچه لوړه او ناروغۍ یې پروخت مدیریت کړو.