د الوویرا ننداریزو قطعو څخه د سمنګان د بزګرانو د قناعت وړ حاصلات
۱۳کب ۱۳۹۹
د سمنګان د کرنې، اوبولګولو او مالدارۍ ریاست وایي، چې په دې ولایت کې د «اکټیډ» موسسې له خوا د ناروې هېواد په مالي ملاتړ د الوویرا پنځه نندارې کروندې بزګرانو ته جوړې شوې وې، چې له یادو کروندو څخه بزګران د قناعت وړ حاصلات تر لاسه کړي دي.
یاد ننداریزې کروندې، چې کال مخکې جوړې شوي دي، د سمنګان د کرنې ریاست د چارواکو په ټکو حاصلات یې د قناعت وړ دي.
یادو کروندو څخه یوتن برخمن شوی بزګر فراح الدین وایي، چې د ۷۲ متر مربع په پراخوالي سره د الوویرا شنه خونه لري، چې یوازې د الوویرا د پاڼو دپلور له لارې یې ۲۶ زره افغانۍ ګټلي دي.
الوویرا یو طبي او ارزښت لرونکی بوټی دی، چې په طبابت کې ترې ګټه اخیستل کېږي. الوویرا نه یوازې دا چې په طبابت کې استعمالېږي د تغذیې لپاره هم ترې جوس جوړېږي.
