د کرنې دودې او کلیوالي پراختیا پروژه، فراه کې ۵۳۱ بڼونه جوړ کړل
۱۲ کب ۱۳۹۹
د کرنې، اوبولګولو او مالدارۍ وزارت اړوند د کرنې د ودې او کلیوالي پراختیا پروژه «CBARD»، د نیالګیو اېښودو د پسرلني کمپین په لړ کې د فراه په ولایت کې ۵۳۱ نوي بڼونه جوړ کړي دي.
په دغو نویو بڼونو کې د انګورو ۲۸۴ جریبه بڼونه، د انارو ۱۲۲ جریبه بڼونه، د عنابو ۷۵ جریبه بڼونه، د ناکو او الوچې ۵۰ جریبه متراکم بڼونو شامل دي، چې د خاک سفید او پشت رود په ولسوالیو کې جوړې شوي دي.
یاد بڼونه په دې ولایت کې د کوکنارو د کرکېلي د کچې ټیټولو او د ارزښت لرونکو محصولاتو د دودولو په پار جوړې شوي دي.
