سرپل کې د ورځې څه باندې یو ټن د کونځلو غوړي تولیدېږي

۲۹ سلواغه ۱۳۹۹
د سرپل د کرنې، اوبولګولو او مالدارۍ ریاست چارواکي وايي، چې په دې ولایت کې د کونځلو غوړیو تولید د ورځې ۱.۳۸ مټریک ټنو ته رسېږي.
د سرپل ولایت د کونځلو غوړیو د تولید سږني کچه ۵۰۲ مټریک ټنو ته رسېدلې ده.
د کونځلو د برخې کارېګر وایي، چې د کونځلو غوړي په دوه ډوله دودیزه او عصري ډول د کوچنیو ماشینونو په واسطه تولیدېږي.
د کونځلو تولید شوي غوړي، د سرپل ولایت د اړتیاوو پوره کولو ترڅنګ، ګاونډیو ولایتونو لکه جوزجان او بلخ ته هم صادرېږي.
په همدې حال کې د کرنې وزارت د احصایې او مالوماتو شمېرې ښیې، چې د روان کال په شپږو میاشتو کې د ۳۱ زره او ۶۲۹ ډالرو په ارزښت د کونځلو غوړي له هېواده بهر صادر شوي دي. اټکل کېږي، چې د کال تر پایه د کونځلو غوړیو د صادراتو په کچه کې د پام وړ زیاتوالی راشي.