زعفرانکارانو ملي ټولنې له استازو سره د کرنې وزیر کتنه؛ د افغانستان د سروطلاوو د ستونزو ارزونه او د ودې حل لارې
۱۴ سلواغه ۱۳۹۹
د کرنې، اوبولګولو او مالدارۍ وزیر ډاکټر انوارالحق احدي د خپل کار په دفتر کې، په ولسي جرګه کې د بودیجې او مالي کمیسیون منشي او دهرات د خلکو استازی محمد عظیم کبرزانی په شتون کې، د زعفرانکارانو د ملي ټولنې له استازو سره وکتل.
په دې کتنه کې د زعفرانو د شرکتونو پر ستونزو او اړتیا وړ حل لارو باندې خبرې وشوې.
د افغانستان د زعفرانکارانو د ملي ټولنې مرستیال ارباب عبدالرزاق، د زعفرانو د تولید ودې ته د کرنې وزارت له پاملرنې څخه د مننې ترڅنګ ددې برخې د ودې او پرمختیا پروړاندې پر اړوندو ستونزو او ننګونو خبرې وکړې. هغه دغه راز وویل، کومې احصایې او شمېرې چې د زعفرانو د تولید په برخه کې خپرېږي د واقعي تولید له کچې څخه کمه ده. ښاغلی عبدالرزاق دغه راز وویل، چې په کورنیو الوتنو کې باید د زعفرانو د لېږد محدودیت له منځه ولاړ شي.
وروسته ښاغلی احدي د زعفرانو پر وړاندې د ستونزو پر هوارولو له ډلې د زعفرانو پر قاچاق خبرې وکړې. د کرنې وزیر دغه راز د زعفرانو د پرمختیا پر وړاندې د شته ننګونو په هکله وویل، لومړی باید ستونزې طبقه بندي شي، چې کوم یې دولت پورې او کوم یې خصوصي سکټور پورې اړوند دي. د کرنې وزیر په کورنیو الوتنو کې د زعفرانو د لېږد د محدودیت د له منځه وړولو په هکله وویل، چې دا ستونزه هم بررسي کوي.
