پکتیا کې پر ۶۵ قوریه لرونکو د چهارمغزو او جلغوزې تخمونه ووېشل شول

mail-admin
پنجشنبه ۱۳۹۹/۱۱/۲ - ۱۰:۲۵
پکتیا کې پر ۶۵ قوریه لرونکو د چهارمغزو او جلغوزې تخمونه ووېشل شول

۲سلواغه ۱۳۹۹
د پکتیا دکرنې، اوبولګولو او مالدارۍ ریاست د ټولنې په کچه د ځمکې او ځنګلونو تلپاتې مديريت( FAO-GEF ) پروژې په همکارۍ ددې ولایت د احمداباد او سیدکرم ولسوالیو پر ۶۵ قوریه لرونکو د چهارمغزو او جلغورې تخمونه وېشلي دي.
د پکتیا دکرنې ریاست چارواکي وایي، چې د چهارمغزو او جلغوزې یاد تخمونه ددې ولایت د احمداباد او سیدکرم ولسوالیو پرهغو ۶۵ قوریه لرونکو وېشل شوي، چې تېر کال د ټولنې په کچه د ځمکې او ځنګلونو تلپاتې مديريت ( FAO-GEF ) پروژې له خوا ورته د چهارمغزو او جلغوزې کورني قوریې جوړې شوې وې. یاد تخمونه د جوړشویو قوریو د نیالګیو د شمېر زیاتوالي او پیاوړتیا په پار وېشل شوي دي.
د ټولنې په کچه د ځمکې او ځنګلونو تلپاتې مديريت ( FAO-GEF ) پروژې ولایتي مسوول محمد ابراهیم قادري وویل، چې په دې لړۍ کې هر قوریه دار ته ۱۸ کیلو ګرامه د چهارمغزو او یوه کیلو ګرامه دجلغوزې تخمونه ورکړل شوي دي.
ښاغلی قادري وویل، چې بزګرانو ته له دې وړاندې عملي او تخنیکي روزنه هم ورکړل شوې او د دوی تخنیکي کارکوونکي به یې وخت پر وخت څارنه کوي، ستونزې به پېژندل کېږي او د حل لارې چارې به ورته لټول کېږي.
دغه مرستې ددې ولایت د ځنګلونو د بیارغونې او پراختیا په پار ترسره شوي دي.
پکتیا د افغانستان د جلغوزیو، چارمغزو او طبیعي ځنګلونو له برخمنو ولايتونو څخه دي، چې د دغو ځنګلونو یوه برخه له منځه تللې، خو اوس د کرنې وزارت د طبیعي ځنګلونو د بيا رغونې په پار هلې ځلې کوي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت