د پکتیا ځنګلونه او په پار یې د کرنې ریاست هڅې

mail-admin
چهارشنبه ۱۳۹۹/۱۱/۱ - ۱۴:۰
د پکتیا ځنګلونه او په پار یې د کرنې ریاست هڅې

۱ سلواغه ۱۳۹۹
د پکتیا د کرنې، اوبولګولو او مالدارۍ ریاست چارواکي وایي، چې د یاد ولایت د ځنګلونو او طبیعي سرچینو د بیارغونې، خوندیتوب او پراختیا په پار یې راون کال یو لړ برنامې پلي کړي دي.
د پکتیا ولایت د کرنې ریاست د چارواکو په وینا، د ځنګلونو قانون، د ځنګلونو اقتصادي او ټولنیز ارزښت، د ځنګلونو د پرېکېدو  مخنيوی او د ځنګلونو د بيا رغونې په پار عامه پوهاوی، د ځنګلونو د پراختیا او بیارغونې په پار د ډنډ پټان ولسوالۍ په بېلابېلو سیمو کې د چهارمغزو ۲۰ زره نیالګي اېښودل او ترڅنګ یې د ځنګلولی پنځه ټولنې جوړل، د جوړو شویو قوریو له نیالګيو څخه وخت په وخت څارنه او نظارت کول، د ځنګلونو د پرېکېدو د مخنيوي په پار د ۱۲ تړونونو لاسلیک او جوړو شويو ځنګلولی ټولنو ته د ۵۴ جوازونه ورکړه هغه څه دي، چې د راون کال په ترڅ کې د کرنې ریاست او همکارو پروژو له لارې په دې ولایت کې د ځنګلونو د بیارغونې او پراختیا په پار ترسره شوي دي.
دغه راز په ورته وخت کې د مرکز ګردیز په ګډون په پنځو ولسوالیو کې د څړ ځایونو سروې تر سره کول، د ځمکې او ځنګلونو تلپاتې مديريت ( FAO-GEF ) پروژې له خوا دوه زره او ۹۵۵ کم مصرفه نغري پر ځنګل میشتو وېشل، په ځینو سیمو کې د واټرشیډونو چارې پیل او د تراسونو څخه څارنه د ځنګلونو د خوندیتوب او پراختیا په پار د یاد ریاست نورې کړنې دي.
د پکتیا دکرنې ریاست وایي، ددې ولایت د ځنګلونو د بیارغونې او پراختیا په پار هلې ځلې ډېروي، ځکه ځنګلونه له یوه پلوه چاپېريال پاک ساتي، د سېلابونو مخه نيسي او د وحشي ژوو کورونه په خپله غيږ کي لري او د بل پلوه د طبي بوټو په وده او نمو کي مهم رول لوبوي اوهم زموږ لپاره پاکه او تازه هوا برابروي. همدا راز ځنګلونه د ژوند ارزښت لرونکي اړتیاوې هم برابره وي، چې په ګڼو برخو لکه د سون لرګیو، ودانیزو چارو، د مېوو او نورو فرعي محصولاتو په توګه ترې کار اخېستل کیږي، چې دا ټول د انسانانو او وحشي حیواناتو د ژوند کولو لپاره خورا اړین دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت