د کندهار او هلمند د کرنې سیمه ییزو کارکوونکو د ملخانو پر وړاندې د مبارزې لارې چارې زده کړل
۲ مرغومې ۱۳۹۹
د ملګرو ملتونو د خوړو او کرنې ادارې «FAO» په همکارۍ د کندهار او هلمند ولایتونو د کرنې سیمه ییزو کارکوونکو د ملخانو کنټرول، سروې او نورو اړینو تخنیکي برخو کې وروزل شول.
دغه درې ورځنۍ روزنیز پروګرام چې، د کندهار ولایت د کرنې په ریاست کې په لاره اچول شوې وه، یادو کارکوونکو ته د ملخانو پروړاندې د مبارزې تخنیکي لارې چارې، سروې او نورو تخنیکي برخو کې نظري او عملي زده کړې ورکړل شوې.
یاد روزنیز پروګرام په راتلونکې کې ملخانو سره د ښې مبارزې په موخه په لاره اچول شوې وه.
