د بڼوالۍ ځنځیري ارزښت د پراختیا پروژه په اوو ولایتونو کې د پیازو ۳۳۵ زېرمتونونه جوړوي

۵ لیندۍ ۱۳۹۹
د کرنې، اوبولګولو او مالدارۍ وزارت د بڼوالۍ ځنځیري ارزښت د پراختیا پروژه د هېواد په اوو ولایتونو کې د پیازو ۳۳۵ زېرمتونونه جوړوي.
دغه پروژې، چې د کرنیزو محصولاتو مدیریت د پروژې له لارې په لاره اچول شوي دي، رغنیزې چارې یې د بڼوالۍ ځنځیري ارزښت د پراختیا پروژه پر مخ بیایي. ددغو زېرمتونونو له ډلې د ډېرو هغو چارې بشپړ شوي او د پاتې هغو چارې به هم تر یوې اوونۍ بشپړ او ګټې اخیستنې ته به وسپارل شي.
دغه زېرمتونونه په ټولیزه توګه د ۱۶۴ میلیونه او ۹۳۳ زره او ۲۳۰ افغانیو په لګښت جوړیږي. ددې لګښت ۸۰ سلنه د کرنې وزارت له خوا او ۲۰ سلنه نور یې د برخمن شویو بزګرانو له خوا ورکول کیږي.
دغه زېرمتونونه د کابل، بامیان، پکتیا، پکتیکا، میدان وردګ، لوګر او غزني په ولایتونو کې جوړیږي، چې په بشپړېدو سره یې د یادو لایتونو بزګران کولای شي، چې دکال څه باندې څلور زره مټریک ټنه پیاز زېرمه کړي.