پکتیا کې د آبرېزې جوړولو چارې پیل شوې

mail-admin
چهارشنبه ۱۳۹۹/۷/۳۰ - ۱۱:۲۹
پکتیا کې د آبرېزې جوړولو چارې پیل شوې


۳۰ تله ۱۳۹۹
د پکتیا د کرنې، اوبولګولو او مالدارۍ ریاست، د اړیکو دفتر په همکارۍ ددې ولایت د دَرې په سیمه کې د آبرېزې د جوړولو چارې پیل کړي دي.
د پکتیا د کرنې، اوبولګولو او مالدارۍ رییس محمدالدین مومند وویل، چې دغه آبرېزه خاورینو حوضونو ته ورته جوړیږي، چې په کې به د چهارمغزو، زردالو او بادامو پنځه زره او ۲۰۰ نیالګي کېښودل شي.
ښاغلی مومند وویل: «دغه آبرېزه د خاورینو حوضونو په ډول جوړیږي او په کې د چهارمغزو، زردالو او بادامو پنځه زره او ۲۰۰ نیالګي اېښودل کیږي، چې له یوې خوا به مو ځنګلي سیمې بیا ورغول شي او له بلې خوا د یادې سیمې خلکو ته د ۱۱ زره او ۵۵۰ کاري ورځې فرصت برابره شي او ترڅنګ یې د ځنګل لرونکو اقتصادي اړتیا د پوره کولو په پار کار وشي.»
د پکتیا د کرنې رییس وویل، چې ددې آبرېزې په سمه کې به ۳۰ کیلو د زیرې تخم، ۵۰۰ کیلو د رشقې تخم، ۱۱ کیلو د اترفلکس تخم، ۲۰۰ کیلو د شاخل تخم او د مېوه لرونکو او بې مېوې ونو ۶۰ کیلو تخم په مستقیم ډول وکرل شي.
ددې ترڅنګ د یادې سیمې په نیم جریبه ځمکه کې د مثمر او غیر مثمرو نیالګیو قوریه جوړیږي او د نیالګیو د خړوبولو لپاره به د خړوبولو منظم سیسټم هم جوړ شي.
ددې پروژې ټولیزه بودیجه اته میلیونه او ۵۲۰ زره او ۱۲۷ افغانۍ ده، چې ۸۲ سلنه یې د ټولنیزې پراختیا او تلپاتې معیشت پروګرام او ۱۸ سلنه نور یې د دَرې ځنګل لرونکي ټولنې له خوا ورکول کیږي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت