هرات کې د کرنیزو محصولاتو مدیریت د پروژې ټولې ممیزخونې تر دوو اوونیو ګټې اخیستنې ته سپارل کیږي
۲۱ تله ۱۳۹۹
د کرنې وزارت د کرنیزو محصولاتو مدیرت د پروژې په اډانه کې د هرات په ولایت کې دڅه باندې ۳۲۷میلیونه افغانیو په لګښت د یوزر او پنځه ممیزخونو د جوړولو چارې، نږدې درې میاشتې وړاندې پیل کړي دي، چې تر راتلونکو دوو اوونیو پورې یاد ټولې ممیزخونې ګټې اخیستنې ته سپارل کیږي. ددغو ممیزخونو رغنیزې چارې تر دې دمه ۷۰ سلنه بشپړ شوي دي. ددغو ممیزخونو لس سلنه لګښت برخمن شوي بڼوال ورکوي.
هر یوه ممیزخونه ۱۰ مټریک ټنه وړتیا لري او ټاکل شوې، چې تر راتلونکو دوو اوونیو پورې ددې ولایت ټول ممیزخونې بشپړ او ګټې اخیستنې ته وسپارل شي.
هرات د انګورو له سترو تولیدوونکو ولایتونو څخه دی، چې سږکال یې څه باندې ۱۴۰ زره ټنه انګور تولید کړي دي.
