د کرنې وزارت سرپرست او نوماند وزير د امريکا پراختيايي ادارې او د کرنې وزارت له استازو سره د کرنيزو محصولاتو دمعياري کولو په هکله خبرې وکړې

۳ تله ۱۳۹۹
د کرنې، اوبولګولو او مالدارۍ وزارت سرپرست او نوماند وزير ډاکټر انوارالحق احدي نن د ويډيو کنفرانس له لارې، د امريکا متحده ايالاتو پراختيايي ادارې (USAID)، د امريکا دکرنې وزارت(USDA) او د(CLDP) له استازو سره دافغانستان د حيواني او کرنيزو محصولاتو د اسټنډرد کولو په هکله خبرې وکړې.
د کرنې وزارت سرپرست او نوماند وزير د کرنې په سکټور کې د امريکا متحده ايالاتو له مرستو څخه د مننې ترڅنګ د حيواني او کرنيزو محصولاتو په ځانګړې توګه د توليداتو د معياري کولو او نړيوالو مارکېټونوته د کورنيو محصولاتو د صادراتو د زياتوالي په برخه کې د اسانتياوو برابرولو غوښتنه وکړه.
په دې ويډيويي خبرو اترو کې، د امريکا بېلابېل پراختيايي ادارې ژمنه وکړه، چې افغانستان سره د وړتيالوړولو، معياري لابراټوار جوړولو او د نړيوال سوداګريزې ادارې د شرايطو پراساس باکيفيته توليداتو ته د زمينې برابرولو په برخه کې به لا ډېرې مرستې وکړي.
دوی وويل، چې حيواني او کرنيزو محصولاتو اسټنډرډ کولو سره، نړيوالو مارکېټونو ته په مناسبه بيه د لا ډېرو صادراتو زمينه برابريږي.