پکتیکا کې یوشمېر زعفرانکار بزګران وروزل شول
۲۵ زمری ۱۳۹۹
د پکتیکا د کرنې، اوبولګولو او مالدارۍ ریاست وایي، چې ددې ولایت یوشمېر بزګران یې د زعفرانو د کرکېلي، حاصل ټولولو او بازارموندنې په برخه کې روزلي دي.
د پکتیکا د کرنې ریاست وایي، چې په دې روزنیزه برنامه کې زعفرانکارو بزګرانو ته د زعفرانو دکرکېلي، حاصل ټولولو او بازارموندنې په برخه کې نظري او عملي زده کړې ورکړل شوي دي.
د پکتیکا د کرنې ریاست چارواکي وایي، چې ددغو روزنیزو پروګرامونوموخه په دې ولایت کې د زعفرانو د کرکېلي دودول او له دې لارې د بزګرانو د عوایدو زیاتول دي. د دوی په خبره د پکتیکا ولایت اقلیم د زعفرانو کرکېلي لپاره مناسب اقلیم ده او هیله یې وښودله چې په دې ولایت کې د زعفرانو کرکېله نوره هم پراخه شي.
