هېواد کې د کیمیاوي سرې د کیفیت ښه‌والي په موخه د کرنې او مالدارۍ مرستیال له واردوونکو شرکتونو سره مشورتي غونډه وکړه

mail-admin
شنبه ۱۴۰۵/۷/۲۵ - ۱۶:۲۷
نشست معین زراعت و مالداری با واردکنندگان کود کیمیاوی برای بهبود کیفیت کود در کشور

۲۵ تله ۱۴۰۵ هـ.ش
۵ جُمَادَى الأول ۱۴۴۸ هـ.ق
د کرنې، اوبولګولو او مالدارۍ وزارت د کرنې او مالدارۍ مرستیال مولوي صدراعظم عثماني د کابل په بادام‌باغ کې د کرنیزې او مالدارۍ پرمختیا صندوق د کنفرانسونو په تالار کې د افغانستان د کیمیاوي سرې واردوونکو شرکتونو له مسؤلینو سره مشورتي غونډه وکړه.
د کرنې او مالدارۍ مرستیال په دې غونډه کې د باکیفیته او معیاري سرې تولید د بزګرانو د ملاتړ په برخه کې یو له مهمو مسؤلیتونو څخه وباله او ټینګار یې وکړ، چې واردوونکو شرکتونه او حکومت باید د بې‌کیفیته او تقلبي سرې د تولید، پېر، پلور او وارداتو د مخنیوي لپاره ګډې هڅې او همکارۍ وکړي.
نوموړي زیاته کړه، چې د بې‌کیفیته سرې کارول، پر بزګرانو د اقتصادي زیانونو سربېره، د خاورې د تخریب او کیفیت د ټیټېدو لامل هم کېږي. هغه په هېواد کې د کیمیاوي سرې د تولیدوونکو  پر ملاتړ او د سرې د کیفیت پر ښه‌والي ټینګار وکړ.
د غونډې په دوام کې د بلخ، هرات، کابل او کندهار ولایتونو د کیمیاوي سرې تولیدوونکو شرکتونو استازو د باکیفیته سرې د تولید او عرضې په برخه کې خپل نظرونه او وړاندیزونه شریک کړل.
دغه راز، د کرنیزې پرمختیا وجهي صندوق لوی رییس انجنیر عبدالغفور غفاري د باکیفیته سرې تولید د هېواد له اساسي اړتیاوو څخه وباله او د اسلامي اصولو په چوکاټ کې یې د کیمیاوي سرې له تولیدوونکو او واردوونکو  شرکتونو سره د یاد صندوق د همکارۍ او مشارکت لپاره چمتووالی څرګند کړ.
په دې غونډه کې همدارنګه د کیمیاوي سرې د کیفیت د تشخیص او تثبیت لپاره د یوه مجهز لابراتوار د جوړولو په اړه بحث او د نظرونو تبادله وشوه.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت