د کرنې وزارت مالي او اداري مرستیال د هرات د کرنې ریاست فعالیتونه و ارزول
۱۹ زمری ۱۴۰۵ هـ.ش
۲۶ صَفَر المُظَفَّر ۱۴۴۸ هـ.ق
د کرنې، اوبولګولو او مالدارۍ وزارت مالي او اداري مرستیال مولوي نورالدین عمیر هرات ولایت ته د خپل سفر په ترڅ کې د دغه ولایت د کرنې ریاست له مسؤلینو او کارکوونکو سره وکتل او د دې ادارې د فعالیتونو راپور یې واورېد.
په دې لیدنه کې د مالي، اداري او تدارکاتي برخو وضعیت، د عشر او زکات چارې، د مخابراتي انتنونو تثبیت او د ځمکو اړوند فعالیتونه وکتل شول. همداراز پر چارو د لا ښه والي او د مسؤلیتونو د اغېزمن ترسره کولو ټینګار وشو.
د کرنې وزارت د عشر او زکات لوی رییس مولوي ندا محمد عابد هم د یادې برخې د فعالیتونو او مسؤلیتونو په اړه معلومات وړاندې کړل او د هرات د کرنې ریاست له کارکوونکو یې وغوښتل، چې اړوندې چارې په سمه توګه پلې کړي.
په پای کې، د کرنې وزارت مالي او اداري مرستیال د هرات له خلکو سره د مسؤلینو او کارکوونکو پر صادقانه همکارۍ، د هغوی د اړتیاوو د درک او ستونزو ته د رسېدنې پر اهمیت ټینګار وکړ.
