نورستان کې له کډوالۍ راستنو شويو کورنیو ته د غنمو او نغدو مرستو د وېش لړۍ پيل شو
۲۵ سلواغه ۱۴۰۴ه.ش
۲۶ شَعبان المُعَظّم ۱۴۴۷ه.ق
د عاليقدر امیرالمؤمنین حفظهالله تعالی د ځانګړي حکم او شفقت له مخې، د کرنې، اوبو لګولو او مالدارۍ وزارت له لوري په نورستان ولایت کې په اجباري ډول راستانه شويو کډوالو ته د غنمو او نغدو پیسو د وېش لړۍ پيل شوه.
د مرستو د وېش غونډه د کرنې وزارت چارواکو او د نورستان ولایت سیمه ییزو چارواکو په شتون کې پیل شو.
په پیل کې د نورستان دکرنې ریاست چاراکو د یادې پروسې په اړه وینا وکړه او د اسلامي امارت له رهبرۍ، د کرنې وزارت له مقام، د نورستان ولایت مقام او د کرنې ریاست څخه یې مننه وکړه.
دغه راز یادو چاراکو په خپلو خبرو کې د اسلامي نظام شکر ادا کړ او د دغه نظام تر سیوري لاندې ژوند یې د ویاړ ځای وباله.
دوی څرګنده کړه، چې دا مرستې د اسلامي نظام د رهبرۍ د پېرزوینې له مخې د ا.ا.ا له بیتالمال څخه ځانګړې شوې دي. د د دوی وینا، دغه مرستې په دې ولایت کې یوشمېر راستانه شويو کډوالو کورنیو ته په نظر کې نیول شوي، چې له مخې به یې هرې کورنۍ ته ۲۵۰ کیلوګرامه غنم او ۵۰۰۰ افغانۍ نغدي مرسته ووېشل شي. موخه دا ده، چې اجباري راستانه شوي کډوال وکولای شي خپل ژوند ته له نوې مرحلې سره دوام ورکړي.
دوی د مرستو د وېش بهیر شفاف، منظم او د کره مستحقینو پر بنسټ وباله او زیاته یې کړه، چې په راتلونکي کې به هم د ورته بشري همکاریو لړۍ ته دوام ورکړل شي.
همدارنګه ټینګار وشو، چې د مرستو دا پروسه د ټاکلي پلان او د اړوندو ادارو تر بشپړې څارنې لاندې، د مستحقینو د کره پېژندنې پر بنسټ ترسره کېږي، څو راستانه شوي او اړمن خلک وکولای شي خپل کورنی اقتصاد پیاوړی او پر ځان بسیا شي.
