د پکتیا دکرنې رییس د ملګرو ملتونو د خوړو او کرنې نړۍوال ادارې له چارواکو سره د همغږۍ ناسته ترسره کړه
۱۶ زمری ۱۴۰۴ هـ.ش
۱۳ صَفَر المُظَفَّر ۱۴۴۷ هـ.ق
د پکتيا ولايت د کرنې، اوبولګولو او مالدارۍ رياست په مقام کې د ملګرو ملتونو د خوړو او کرنې نړۍوال ادارې «اف،اې،او» د زون مسئول انجینر بسم الله بسمیل او ورسره مل پلاوي د کرنې رياست له رییس مولوي سید امین هاشمي سره د همغږۍ ناسته ترسره کړه.
په ياده ناسته کې په دوه اړخېزه همکاريو د بحث ترڅنګ د ښې همغږۍ په رامنځته کولو ټينګار وشو، همداراز د یادې مؤسسې د زون د مسؤل انجنیر بسمیل له مولوي هاشمي سره د خپلو راتلونکو پروژو په اړه معلومات شریک کړل.
د پکتیا دکرنې رییس مولوي سید امین هاشمي په خپلو خبرو کې د يادې مؤسسې له مسولينو سره د همکارۍ د ژمنې ترڅنګ د يادې مؤسسې له مسئولينو وغوښتل، چې خپلې چارې د کرنې رياست سره په همغږۍ په پوره شفافيت سرته ورسوي، نوموړي همداراز وويل، چې د يادو پروژو په پلي کېدو سره به د کرنې په برخه کی سهولتونه هم رامنځته کړي.
