کندهار کې ۲۰ بېوزله کورنیو سره د تارجوړولو ماشینونو مرسته وشوه

mail-admin
چهارشنبه ۱۴۰۴/۲/۱۰ - ۱۴:۲۳
کندهار کې ۲۰ بېوزله کورنیو سره د تارجوړولو ماشینونو مرسته وشوه

۱۰ غویی ۱۴۰۴ ه‍.ش
۲ ذُو ٱلْقَعْدَةِ ۱۴۴۶ه‍.ق
د کندهار د کرنې، اوبو لګولو او مالدارۍ ریاست په هڅو، د اروپایي ټولنې په مالي او د هالنډ کمیټې په تخنیکي همکارۍ اد کندهار ښار د ۱۲مې امنیتي ناحیې ۲۰ بېوزله او اړمنو کورنیو ته د ۱۰۰ زره افغانیو په ارزښت، وړیو څخه د تار جوړولو (سپایننګ) ماشینونه ووېشل شول.
د دې مرستې د وېش مراسمو کې د کندهار د کرنې ریاست د مالدارۍ آمر حافظ حمیدالله، د هالنډ کمیټې د زون مسؤل ډاکټر امین‌الله کریمي، د پروګرامونو عمومي مسؤل انجنیر لطف‌الله اسدي، وړیو څخه د تار ایستلو د ماشینو مسلکي او تخنیکی استادانو، او د اړوندې ناحیې مشرانو ګډون کړی و.
 د دیادې مرستې د وېش پر مهال، مسلکي کسانو د ګروپ ټولو ګډونوالوته د ماشینونو کارول په عملي ډول وروښوده او همداراز نوموړی ګروپ  د وړیو د  پېرلو او تار جوړولو دعمومی مسول ( هب سنتر) سره  لینک او معرفي کولو سیستم هم تشریح کړ. ترڅو یادې اړمنې کورنۍ په اسانه او مناسبه بیه سره جوړ شوي تار وپلوري.
د دې مرستې موخه د بېوزلو کورنیو ملاتړ، د هغوی لپاره د کار زمینه برابرول، اقتصادي وضعیت ته وده ورکول، او د یادو ماشینونو له لارې نغدې عاید ترلاسه کول دي.
په همدې حال کې له مرستې برخمن شوي کورنۍ هم د کندهار د کرنې ریاست او هالنډ کمیټې څخه زیاته خوښي څرګنده کړه او ویې ویل، چې دا ډول مرستې په مهم وخت کې ورسره شویدي.
باید وویل شي، چې دکندهار د کرنې ریاست په هڅه، د اروپایي ټولنې په مالي ملاتړ، په نږدې راتلونکې کې ۲۰ کورنیو ته د وزو ساتنې لپاره مرسته کوي او ۲۰ نورو کورنیو ته به د خیاطي توکي وویشل شي، چې ورسره سم به د دغو کورنیو اقتصادي وضعیت هم ښه شي.

تازه ترین اخبار

پنجشنبه ۱۴۰۴/۴/۵ - ۱۲:۵۹
Background image

کرنې وزارت کې د کرنیزو تخمونو د ملي بورډ غونډه ترسره شوه


۵ چنګاښ ۱۴۰۴ ه‍.ش
۲۹ ذُو الحِجَّةِ ۱۴۴۶ه‍.ق 
د کرنې، اوبولګولو او مالدارۍ وزارت د کرنې او مالدارۍ مرستیال مولوي صدراعظم عثماني په مشرۍ، د مورنیو، بنسټیزو او تصدیقي اصلاح شویو تخمونو د. . .

پنجشنبه ۱۴۰۴/۴/۵ - ۱۱:۱۹
Background image

پکتیا کې د شاتو مچیو ټولنو سره د همغږۍ غونډه ترسره شوه

۵ چنګاښ ۱۴۰۴ ه‍.ش
۲۹ ذُو الحِجَّةِ ۱۴۴۶ه‍.ق 
د پکتیا ولایت د کرنې، اوبولګولو او مالدارۍ ریاست په نوښت، ددې ولایت په مرکز ګردېز ښار کې د شاتو مچیو پالونکو ټولنو سره د همغږۍ غونډه ترسره. . .

پنجشنبه ۱۴۰۴/۴/۵ - ۱۰:۴۲
Background image

د کرنې وزارت د پلان لوی رییس د په افغانستان کې د کرنې کلسټر له چارواکو سره وکتل

۵ چنګاښ ۱۴۰۴ ه‍.ش
۲۹ ذُو الحِجَّةِ ۱۴۴۶ه‍.ق 
د کرنې، اوبولګولو او مالدارۍ وزارت د پروګرامونو د پلان او همغږۍ لوی رییس مولوي عبدالغفور په مشرۍ، په افغانستان کې د کرنې کلسټر له عمومي مسؤل. . .

بازگشت