خوست کې د ځنګلونو ساتنې او خوړو خوندیتوب په برخه کې ورکشاپ دائر شو
د خوست دکرنې، اوبولګولو او مالدارۍ ریاست د اړیکو دفتر په همکارۍ ددې ولایت د ولایت مقام اداري استازو، د ولسوالیو چارواکو، قومي مشرانو ته د ځنګلونو ساتنې، اهمیت او پراختیا او دغه راز د خوړو خوندیتوب په برخه کې روزنیز ورکشاپ دائر شو.
ددې ورکشاپ په پیل غونډه کې د خوست دکرنې رییس مولوی محمد زمان عمري د ځنګلونو د ساتنې او پراختیا په برخه کې د ولسونو یووالي او همکارۍ اړین وبلل او ترڅنګ یې دغه راز ورکشاپونو رول هم د اهمیت وړ یاد کړ، چې ورسره خلک د ځنګلونو پر اهمیت پوهېږي.
په دې ورکشاپ کې ګډونوالو ته د ځنګلونو د اهمیت، ساتنې او پراختیا او دغه راز د خوړو خوندیتوب په هکله معلومات ورکړل شوي دي.
