کونړ کې د کرنیزو او مالدارۍ پروژو د همغږۍ او پراختیا په موخه سکتوري غونډه ترسره شوه

mail-admin
چهارشنبه ۱۴۰۵/۷/۲۲ - ۹:۳
کونړ کې د کرنیزو او مالدارۍ پروژو د همغږۍ او پراختیا په موخه سکتوري غونډه ترسره شوه

۲۲ تله ۱۴۰۵ هـ.ش
۲ جُمَادَى الأول ۱۴۴۸ هـ.ق
د کونړ د کرنې، اوبو لګولو او مالدارۍ ریاست په مشرۍ د ۱۴۰۵ لمریز کال د تلې میاشتې سکتوري غونډه د کرنیزو او مالدارۍ فعالیتونو د ارزونې، د روانو او راتلونکو پراختیایي پروژو د همغږۍ او د اړوندو ادارو ترمنځ د همکاریو د پیاوړتیا په موخه ترسره شوه.
دغه غونډه د کونړ د کرنې، اوبو لګولو او مالدارۍ ریاست په مقام کې د یاد ریاست د رهبرۍ غړو، د سکتوري ادارو استازو، د اړوندو تخنیکي آمریتونو آمرینو، عمومي مدیرانو، د همکارو مؤسسو او خصوصي شرکتونو د مسؤلینو په ګډون جوړه شوې وه.
غونډه د کرنې ریاست د مالي او اداري عمومي مدیر احمدالله صافي له لوري د قرآن کریم د مبارکو آیتونو په تلاوت پیل شوه.
ورپسې د کونړ د کرنې، اوبو لګولو او مالدارۍ ریاست تخنیکي سلاکار سید حفیظ‌الله سیدي ګډونوالو ته د ښه راغلاست ترڅنګ د سکتوري غونډو پر ارزښت، د ادارو ترمنځ پر اغېزمنې همغږۍ او د کرنیزو او مالدارۍ پروژو پر پراختیا خبرې وکړې.
نوموړي د سکتوري ادارو او همکارو مؤسسو له دوامدارې همکارۍ او فعال ګډون څخه مننه وکړه او د هغوی فعالیتونه یې د کونړ د کرنې او مالدارۍ سکتور د ودې لپاره مهم وبلل.
سیدي ټینګار وکړ، چې د کرنې ریاست او همکارې مؤسسې باید د ګډې همغږۍ له لارې هڅه وکړي، څو کونړ ولایت ته اوږدمهالې او پایدارې پراختیایي پروژې راجلب کړي، چې له یوې خوا د بزګرانو او مالدارانو اقتصادي وضعیت ورسره ښه شي او له بلې خوا خلکو ته د دوامدارو کاري فرصتونو زمینه برابره شي.
نوموړي زیاته کړه، چې د کرنیزو او مالدارۍ پروژو په پلي کولو کې صداقت، ژمنتیا، روڼتیا او د اړوندو ادارو ترمنځ نږدې همغږي کولای شي د ولس د اړتیاوو

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت