کونړ کې د نيالګيو کېنولو پسرلنی ملي کمپاين پيل شو
۱۳ سلواغه ۱۴۰۴ه.ش
۱۴ شَعبان المُعَظّم ۱۴۴۷ه.ق
د کونړ ولایت د کرنې، اوبولګولو او مالدارۍ ریاست له لوري د نیالګیو کېنولو پسرلني کمپاین پیل شو، چې له مخې به یې د ۱۴۰۵ هـ.ش کال په ترڅ کې په دولتي ادارو او عامه ځایونو کې ۷۵۰ زره میوهلرونکي، بې مېوې او زینتي نیالګي کېنول شي.
د یاد کمپاین د پیل په مراسمو کې د کونړ ولایت مرستیال والي مولوي عبدالله حقاني، د کرنې، اوبولګولو او مالدارۍ رییس مولوي محمد سرور صادق، د چاپېریال ساتنې رییس ډاکتر محمد رحمان صابر، د کرنې ریاست کارکوونکو او یو شمېر نورو مسؤلینو ګډون کړی و.
ویناوالو د نیالګیو کېنول د هېواد د سرسبزۍ، چاپېریال ساتنې او ابادۍ لپاره مهم وبلل او له عامو خلکو یې وغوښتل، چې هر څوک لږ تر لږه یو نیالګی کېنوي او د کېنول شویو نیالګیو ساتنې ته جدي پاملرنه وکړي.
د کونړ ولایت د کرنې ریاست مسؤلینو وویل، چې دغه کمپاین به د کال تر پایه دوام ولري او موخه یې د شنو ساحو پراخول، د اقل
د یادونې وړ ده، چې د کرنې، اوبو لګولو او مالدارۍ وزارت هر کال د نیالګیو کېنولو ورته کمپاینونه تنظیموي، چې له مخې یې په ګرمو ولایتونو کې د سلواغې او په سړو ولایتونو کې د کب په میاشت کې دغه کمپاینونه دایرېږي، څو د هېواد په کچه شنې سیمې زیاتې، د اقلیم د بدلون اغېزې راکمې او د طبیعي چاپېریال ساتنه لا پیاوړې شي.
