کندهار کې مېرمنو لپاره ۹۵ وړې شنې خونې جوړیږي

mail-admin
یکشنبه ۱۳۹۹/۹/۲ - ۱۳:۳۸
۹۵ سبزخانه‌ی کوچک به زنان در قندهار ساخته می‌شود


۲ لیندۍ ۱۳۹۹
د کرنې، اوبولګولو اومالدارۍ وزارت د بڼوالۍ او مالدارۍ ملي پروژې «NHLP» له لارې د ژمي په موسم کې د سبو تولید په پار د کندهار ولایت پر یوشمېر مېرمنو ته ۹۵ وړې شنې خونې جوړوي.
دغه شنې خونې، د کرنې وزارت د بڼوالۍ اومالدارۍ ملي پروژې په همکارۍ د کندهار ولایت په څلورو ولسوالیو کې ۹۵ مېرمنو ته جوړیږي، چې ټولیز لګښت یې ۳.۸ میلیونه افغانۍ ده.
د یادو شنوخونو ترڅنګ پر دغو مېرمنو د بېلابېلو سبو تخمونه هم وېشل کیږي او همداراز دغو مېرمنو ته په شنوخونو کې د سبو کرکېلي او پالنې لارې چارې هم ښودل کیږي.
له څو کلونو را په دې خوا په کندهارولایت کې د کرنې، اوبولګولو او مالدارۍ وزارت د بڼوالۍ اومالدارۍ ملي پروژې له خوا د وړو شنوخونو د وېش لړۍ پیل شوې د ه، چې ښې پایلې لري.
یو شمېر هغو مېرمنو، چې په تېروکلونو کې یې شنې خونې تر لاسه کړي دي وایي؛ د ژمي په موسم کې چې په بازار کې سابه او ترکاری نه وي د خپلو کورنیو د اړتیا وړ سابه او ترکاري له خپلو شنوخونو څخه تر لاسه کوي او یوه برخه یې په بازار کې هم خرڅوي او دکور لګښتونه پرې پوره کوي.
له کومه ځایه چې سابه د سالمې تغذیې ډېره مهمه سرچینه ده، د کرنې وزارت د کورنیو د سالمې تغذیې په پار او مېرمنو لپاره د دندې ایجادولو په موخه هر کال په ټول هېواد کې پر مېرمنو سلګونه وړې شنې خونې وېشي.

تازه ترین اخبار

دوشنبه ۱۴۰۴/۶/۳ - ۱۶:۹
Background image

د ننګرهار بټي کوټ کې پر سلګونه بېوزله بزګرانو خوراکي توکي ووېشل شول

۳  وږی ۱۴۰۴ هـ.ش
۱ رَبِیعُ الْأَوَّل ۱۴۴۷ هـ.ق
د ننګرهارد کرنې، اوبولګولو او مالدارۍ ریاست په هڅو، د ګډې هڅې ملي بشري مؤسسې «جي.اې.ان.اچ.او» په تخنیکي او د «جي.اې.ان» مؤسسې په مالي. . .

دوشنبه ۱۴۰۴/۶/۳ - ۱۶:۸
Background image

هلمند کې یوشمېر بزګران وروزل شول

۳  وږی ۱۴۰۴ هـ.ش
۱ رَبِیعُ الْأَوَّل ۱۴۴۷ هـ.ق
د هلمند ولایت د کرنې، اوبولګولو او مالدارۍ ریاست د کرنیزو چارو امریت اړوند د بوټو ساتنې او قرنطین عمومي مدیریت مسلکي کارکوونکو د یاد ولایت. . .

دوشنبه ۱۴۰۴/۶/۳ - ۱۶:۲
Background image

کابل کې د مالدارۍ ورځ ونمانځل شوه

 ۳  وږی ۱۴۰۴ هـ.ش
۱ رَبِیعُ الْأَوَّل ۱۴۴۷ هـ.ق
په کابل کې د مالدارۍ ورځ د کرنې، اوبولګولو او مالدارۍ وزارت، د افغانستان لپاره د هالنډ کمېټې او د افغانستان لپاره د ثبات، معیشت او اساسي. . .

بازگشت