پکتیکا کې د مڼو حاصلات ۲۰ سلنه زیات شوي

mail-admin
پنجشنبه ۱۳۹۹/۸/۲۲ - ۱۳:۴۳
پکتیکا کې د مڼو حاصلات ۲۰ سلنه زیات شوي


۲۲ لړم ۱۳۹۹
د پکتیکا ولایت د کرنې، اوبولګولو او مالدارۍ ریاست په خبره د تېر په پرتله ددې ولایت د مڼو بڼونو حاصلات د کمیت او کیفیت له پلوه ښه شوي دي. د یاد ریاست په خبره د پکتیکا د مڼو د بڼونو سږني حاصلات د تېرکال په پرتله ۲۰سلنه زیات شوي دي. تېر کال ددې ولایت د مڼو له بڼونو پنځه زره او ۱۲۰ مټریک ټنه مڼې راټولې او بازار ته وړاندې شوې وه.
د پکتیکا ولایت د بڼوالو د عوایدو زیاتولو په پار د کرنې وزارت له خوا ګڼ شمېر پروژې پلي شوي دي، چې په کې انګورو بڼوالو لپاره ممیزخونې جوړول، د مڼو بڼوالو لپاره سړې خونې جوړول او په ټوله کې د بڼوالو بڼونو خړوبولو په پار چکډمونه جوړول او پر بڼوالو اصلاح شوي نیالګي وېشل شامل دي. ددې ترڅنګ بڼوالو ته روزنه ورکول او د بڼونو د افتونو او ناروغیو د کنټرول او درملنې په پار پراخ پروګرامونه پلي کول هغه څه دي، چې د کرنې وزارت له خوا ددې ولایت د بڼوالۍ د پراختیا په پار تر سره شوي دي. د یادو چوپړونو ترڅنګ سږکال د دې ولایت د مڼو بڼوالو لپاره د مڼو ۳۳ نوي سړې خونې جوړیږي، چې د جوړېدو چارې یې د بشپړېدو په درشل کې دي او ډېر ژر به ګتې اخیستنې ته وسپارل شي.
د پکتیکا اقلیم سوړ او په ژمي کې یې هوا ډېره سړه اما په اوړي کې معتدله وي ځکه نو ددې سیمې مڼې او زردالو ښه حاصل ورکوي.
یوسف خېل، یحی خېل، ارګون، سروبي، خیرکوټ، مټاخان، جانیخېل او سروضي ولسوالۍ او د پکتیکا مرکز شرنه په دې ولایت کې د مڼو عمده تولیدوونکي سیمي دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت