پکتیا کې د مېوو یوزر او ۴۰ جریبه نوي بڼونه جوړېږي

mail-admin
سه‌شنبه ۱۴۰۰/۱/۳ - ۱۱:۵۹
پکتیا کې د مېوو یوزر او ۴۰ جریبه نوي بڼونه جوړېږي

۳ وری ۱۴۰۰
د پکتیا دکرنې، اوبولګولو او مالدارۍ ریاست وایي، چې په دې ولایت کې د یوزر او ۴۰ جریبه نویو بڼونو د جوړولو په پار پر بڼوالو د نیالګیو د وېش لړۍ پیل شوی دی.
د یادو بڼونو د جوړولو د پیل په غونډه کې، د پکتیا دکرنې، اوبولګولو او مالدارۍ رییس انجنیر محمدالدین مومند وویل، چې د پکتیا په مرکز او ولسوالیو کې به سږکال د مېوو یوزر او ۴۰ جریبه نوي بڼونه جوړ شي، چې له دې ډلې ۵۰ جریبه بڼونه یې متراکم او ۹۹۰ بڼونه یې عادي بڼونه دي.
ښاغلي موند وویل، چې په ۱۳۹۹یم کال کې د پکتیا ولایت په قوریو کې ۱۹۵ زره نیالګي روزل شوي، چې دغه بڼونه د همدغو قوریو د روزل شویو نیالګیو څخه جوړېږي، چې د پکتیا ولایت له اقلیم سره پوره توافق لری.
دغه راز په دې غونډه کې، د پکتیا مرستیال والي الحاج عبدالولي سهي د نویو بڼونو په جوړولو خوښي څرګنده کړه او بزګران يې وهڅول ترڅو د نويو نیالګیو په تولید کې پوره ونډه واخلي او هم یې له بزګرانو وغوښتل، چې د نویو جوړېدونکو بڼونو سمه ساتنه او پالنه وکړي.
په غونډه کې د چاپېریال ساتنې رییس انجنیر بهیرګل صابري د باغونو جوړول په اړوند خوښي څرګنده کړه او ویې وویل؛ چې د بڼونو جوړول نه یوازې چې د بزګرانو اقتصاد پیاوړي کوي بلکې د چاپېریال ساتنې او د سیمې د ښکلا په برخه کې ګټور رول لري.
د پکتیا د کرنې ریاست چارواکي وایي، چې د مېوو نوي بڼونه جوړول په دې ولایت کې د بڼوالۍ په برخه کې بې ساري پرمختګ دی.
د پکتیا دکرنې ریاست پر دې سربېره، چې کروندګرو ته به تصديق شوي نيالګي ورکړي، له هغوی سره د باغونو په نقشه اچولو، د اوبولګولو د سيسټم په جوړولو او د بڼوالۍ د مديريت اړوند ځينو نورو برخو کې هم تخنيکي او فني مرستې کوي.
د کرنې وزارت هلې ځلې کوي، چې پکتیا ولایت کې بڼوالۍ ته وده ورکړي، هغه ونې دود کړي، چې په ډېره لنډه موده کې مېوه نیسي او ښه کمیت او کیفیت لرونکي وي، تر څو د بڼوالۍ محصولات ډېر او د بڼوالو عواید زیات شي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت