پکتیا کې د لسو استنادي دېوالونو د رغولو تړونونه لاسلیک شول

mail-admin
پنجشنبه ۱۴۰۰/۴/۱۰ - ۱۳:۷
پکتیا کې د لسو استنادي دېوالونو د رغولو تړونونه لاسلیک شول

۱۰ چنګاښ ۱۴۰۰
د پکتیا د کرنې، اوبولګولو اومالدارۍ ریاست وایي، چې د کرنې وزارت د کرنې او خوړو خوندیتوب بېړنۍ پروژې «EATS» او دیاد ولایت د سیمه ییزو شوراګانو ترمنځ د لسو استنادي «محافظتي» دېوالونو د رغولو تړونونه لاسلیک شول.
په دې اړه جوړه شوې غونډه کې د پکتیا والي محمد حلیم فدایي، د کرنې رییس انجنیر محمددین مومند، د سیمه ییزو شوراګانو او د کرنې او خوړو خودیتوب بېړنۍ پروژې استازو او یوشمېر سیمه ییزو چارواکو ګډون درلود.
د پکتیا دکرنې رییس محمددین مومند وویل، چې د یادو لسو پروژو ۹۰ سلنه لګښت د کرنې وزارت او لس سلنه لګښت یې د کلیوالي شوراګانو له خوا ورکول کېږي، چې د پکتیا د مرکز په ګډون ددې ولایت د احمد خېلو، ډنډ پټان او شواک ولسواليو اړوند په بېلابېلو سیمو کې به یې چارې پيل شي.
د ښاغلي موند په خبره ددغو پروژو په پلي کېدو سره زرګونه جریبه ځمکه خوندي او د سیمې خلکو ته د کار زمینه برابرېږي.
په همدې حال کې، د تړونونو لاسلیک غونډې ته د پکتیا والي محمد حلیم فدایي وویل، چې یادې پروژې له دې امله چې په ټوله کې د ولس له پاره غوره چوپړتیاوې دي، اړینه ده چې په اساسي ډول یې چارې پیل او بشپړې او د‌ جوړولو د چارو څخه يې نظارت ترسره شي.
ددغو پروژو ټولیز لګښت ۳۶ میلیونه افغانۍ ده، چې د درو میاشتو په ترڅ کې بشپړېږي او موخه یې له تخریب څخه د کرنیزو ځمکو خوندي کول، د اوبو د ضایعاتو مخنیوی او د اوبو د لارو چارو سمون دی.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت